لاہور: (ویب ڈیسک) ملکی نامور گلوکار عاصم اظہر نے کورونا کی موجودہ صورتحال پر وفاقی وزیر شفقت محمود کو مخاطب کرتے ہوئے کہا ہے کہ ابھی بھی وقت ہے بچوں پر ترس کھالیں۔
سماجی رابطے کی ویب سائٹ ٹوئٹر پر نوجوان گلوکار عاصم اظہر کی جانب سے وفاقی وزیرِ تعلیم شفقت محمود کے امتحانات کے حوالے سے حالیہ بیان پر ردعمل سامنے آگیا۔
عاصم اظہر نے اپنے پیغام میں وفاقی وزیرِ تعلیم شفقت محمود سے مخاطب ہوتے ہوئے کہا ہے کہ ابھی بھی وقت ہے، بچوں پر ترس کھالیں۔
Abhi bhi waqt hai, bacho pe tars khaalain @Shafqat_Mahmood
— Asim Azhar (@AsimAzharr) April 18, 2021
ایک اور ٹوئٹ میں انہوں نے سوالیہ انداز میں شفقت محمود سے مخاطب ہوتے ہوئے کہا کہ اگر طلباء کمرۂ امتحان سے اپنے گھر کورونا وائرس لے کر گئے تو اُس کا ذمہ دار کون ہوگا؟
Who will be responsible if kids take covid back to their homes just so they could appear in exams? @Shafqat_Mahmood sir?
— Asim Azhar (@AsimAzharr) April 18, 2021
عاصم اظہر کے ان پیغامات پر طلباء و طالبات کی بڑی تعداد ان کی حمایت کرتی ہوئی نظر آرہی ہے جس میں ان کا کہنا ہے کہ تمام تعلیمی ادارے بند کرکے امتحانات آن لائن لینے چاہئیں۔
واضح رہے کہ وفاقی وزیرِ تعلیم شفقت محمود نے گزشتہ روز اپنے بیان میں کہا تھا کہ اے لیول، او لیول، اے ایس، آئی جی سی ایس ای کے امتحانات شیڈول کے مطابق ہوں گے جبکہ نویں سے بارہویں جماعت کے امتحانات نئی تاریخوں کے تحت ہوں گے، امتحانات کی نئی تاریخوں کا اعلان متعلقہ بورڈ کریں گے۔
شفقت محمود نے کہا تھا کہ امتحانات کا نیا شیڈول مدِنظر رکھتے ہوئے یونیورسٹیز میں داخلے کیئے جائیں گے، متاثرہ اضلاع کی یونیورسٹیز میں آن لائن کلاسیں جاری رہیں گی۔
وفاقی وزیرِ تعلیم نے کہا تھا کہ 8 فیصد سے کم کیسز والے اضلاع میں یونیورسٹیاں کھول دی جائیں گی۔ اُن کا مزید کہنا تھا کہ کورونا وائرس کے پھیلاؤ کے خدشے کے پیشِ نظر حکومت نے ملک بھر میں پہلی سے آٹھویں جماعت تک اسکول عید الفطر تک بند رہیں گے۔
