ممبئی: (ویب ڈیسک) بھارتی فلم ’فتور‘ میں میں اداکاری کے جوہر دکھانے والی بالی ووڈ انڈسٹری کی اداکارہ تُنیشا شرما نے ایک ٹی وی شو کے سیٹ پر خود کشی کر لی۔
بھارتی میڈیا رپورٹس کے مطابق اداکارہ تنیشا شرما نے بروز ہفتہ ایک ٹی وی شو کے سیٹ پر خود کشی کی، اداکارہ کو ریاست مہاراشٹرا کے اسپتال فوری طور پر منتقل کیا گیا لیکن وہاں پہنچتے ان کی موت واقع ہو چکی تھی۔
رپورٹس میں پولیس کے حوالے سے بتایا گیا ہے کہ اداکارہ نے ٹی وی سیریل کے سیٹ پر موجود میک اپ روم کے پنکھے سے لٹک کر خود کشی کی، اداکارہ کو فوری طور پر اسپتال منتقل کیا گیا لیکن وہ پہلے ہی انتقال کر چکی تھیں۔
Maharashtra | TV actress Tunisha Sharma committed suicide by hanging herself on the set of a TV serial. She was taken to a hospital where she was declared brought dead: Waliv Police
— ANI (@ANI) December 24, 2022
رپورٹس میں انکشاف کیا گیا کہ اداکارہ کچھ دنوں سے سیٹ پر افسردہ نظر آرہی تھیں، اداکارہ تنیشا کی عمر 20 برس تھی، وہ متعدد ٹی وی سیریلز میں کام کر چکی تھیں جبکہ بالی وڈ فلموں میں بھی قدم جمانا شروع کر دیے تھے۔
