ممبئی: (ویب ڈیسک)بھارتی اداکارہ راکھی ساونت کہا کہ میرا گھر بسانے پر بھائی سلمان خان کی بے حد مشکور ہوں۔
بھارتی میڈیا سے بات کرتے ہوئے راکھی ساونت نے کہا کہ ان کا گھر سلمان خان کی وجہ سے بسا ہے، راکھی نے کہا کہ سلمان خان عادل سے ملے ہیں اور ان سے بہت پیار بھی کرتے ہیں انہوں نے عادل کو فون کیا جس کے بعد ہی عادل نے شادی کا اعلان کیا ہے۔
راکھی ساونت نے مزید کہا کہ بھائی کے ہوتے ہوئے یہ کیسے منع کر سکتے ہیں کہ بہن کی شادی کا؟ بھائی کا فون آئے گا، تب ہی تو کچھ ہو سکتا ہے ۔
یہ بھی پڑھیں: بھارت میں طالبان نہیں، اسلام قبول کرنے میں کوئی مشکل پیش نہیں آئی: راکھی ساونت
میڈیا کی جانب سے سلمان خان کے فون کے بارے میں پوچھے گئے سوال کہ جواب میں راکھی کے شوہر کا کہنا تھا کہ’وہ بہت اچھے ہیں، بہت عاجز ہیں، انہوں نے مجھ سے کچھ باتیں پوچھیں تو میں نے کہا کہ ایسا کچھ نہیں ہے۔‘
جس پر فوری راکھی ساونت نے سلمان خان کا شکریہ ادا کرتے ہوئے کہا کہ ’میرے بھائی سلمان نے میرا گھر بسا دیا۔‘
یاد رہے کہ راکھی ساونت نے انکشاف کیا ہے کہ انہوں نے گزشتہ سال ہی عادل خان سے شادی کرلی تھی تاہم ان کی جانب سے شادی کا اعلان 12 جنوری کو کیا گیا ہے۔
