لاہور: (دنیا نیوز) شاہد فلمز اور مانڈوی والا انٹرٹینمنٹ نے فیچر فلم 'ہوئے تم اجنبی' کی ریلیز کا اعلان کردیا۔
معروف اینکر اور ہدایتکار کامران شاہد کی تحریر کردہ فلم ہوئے تم اجنبی کا ٹریلر ملک بھر کے سینما گھروں میں جاری کیا گیا فلم میں اداکار میکال ذوالفقار اور سعدیہ خان اپنی اداکاری کے جوہر دکھائیں گے۔
دیگر اہم کرداروں میں فلم سٹار شاہد، سہیل احمد، محمود اسلم اور شفقت چیمہ جیسے تجربہ کار فنکار شامل ، ثمینہ پیر زادہ، عائشہ عمر، شعمون عباسی اور علی خان بھی فلم کے کرداروں کا حصہ ہیں۔
Another addition to Eid releases as Kamran Shahid s directorial Huey Tum Ajnabi starring Shamoon Abbasi, Sadia Khan, and Mikaal Zulfiqar is slated for release on Eid-Ul-Fitr 2023. #ShammonAbbasi #MikaalZulfiqar #SadiaKhan #HueyTumAjnabi #KamranShahid #LollywoodPictures pic.twitter.com/P4KuljbJLn
— Lollywood Pictures (@LollyPictures) February 8, 2023
شاہد فلمز کے زیر سایہ بننے والی فلم میں سب سے دلکش رومانوی کہانیوں میں ایک غیر معمولی فلیش بیک ہے، فلم میں 1971 کی جنگ کے پس منظر ہونے والی ان کہی محبت کی کہانی ہے۔
ہدایت کار کامران شاہد نے کہا کہ یہ فلم قعطاً آئی ایس پی آر کا ایجنڈہ نہیں، فلم میں 1971کےحالات کو دکھایا گیا ہے، یہ فلم کسی فلم کا جواب نہیں بلکہ رومانٹک اور انٹرٹینمنٹ فلم ہے۔
فلم ہوئے تم اجنبی کو عید الفطر پر ملک کے تمام سینما گھروں میں نمائش کیلئے پیش کیا جائے گا۔
