ممبئی: (ویب ڈیسک) بالی ووڈ کی معروف اداکارہ زرین خان کے خلاف دھوکا دہی کے الزام میں جاری ہونے والا وارنٹ گرفتاری منسوخ کردیا گیا۔
اس حوالے سے معلوم ہوا ہے کہ 2018 میں دھوکا دہی کے الزام میں ان کے خلاف کیس داخل کیا گیا تھا، تاہم کولکتہ ہائیکورٹ نے ان کی گرفتاری کا وارنٹ منسوخ کرنے کا حکم دیا۔
زرین خان کا کہنا تھا کہ وہ اس معاملے میں ملوث پولیس افسر کے خلاف قانونی چارہ جوئی کریں گی۔
بھارتی میڈیا کے مطابق زرین خان نے نہ تو ضمانت کی درخواست دائر کی اور نہ ہی عدالت کے سامنے پیش ہوئیں، ان کی بار بار غیر حاضری پر گرفتاری کا وارنٹ جاری کیا گیا۔
دوسری جانب زرین کے وکیل کا کہنا ہے کہ اداکارہ نے کسی کو دھوکا نہیں دیا، دراصل یہ بات ہی غلط فہمی کا نتیجہ ہے۔
