ممبئی: (ویب ڈیسک) بھارتی مشہور اداکارہ اور ڈانسر نورا فیتحی نے اپنی سالگرہ کے موقع پر ایسا دلکش انداز اپنایا کہ سوشل میڈیا پر تہلکہ مچ گیا۔
بالی ووڈ اداکارہ نورا فیتحی کے اس شاندار لباس کو عالمی شہرت یافتہ سٹائلسٹ ماہر جریدی نے ڈیزائن کیا، جو نکی مناج کے آئیکونک فیشن سٹائل کے لئے بھی جانے جاتے ہیں، نورا ہمیشہ اپنے فیشن اور سٹائل کے حوالے سے سرخیوں میں رہتی ہیں لیکن اس بار ان کے جنم دن کے روپ نے سب کو حیران کر دیا۔
بھارتی اداکارہ نے ایک سیاہ، فٹ گاؤن زیب تن کیا، جو چمکدار سیکوئنز سے سجا ہوا تھا اور روشنی میں چمک رہا تھا، اپنی سالگرہ پر نورا نے اپنے نئے گانے "Snake" پر شاندار رقص بھی کیا۔
