ممبئی: (ویب ڈیسک) بھارت کے معروف اداکار سنجے دت کے لاکھوں مداح ہیں، مگر 2018ء میں انہیں اپنی مقبولیت کا ایک ایسا ثبوت ملا جس نے سب کو حیران کر دیا۔
خاتون مداح نیشا پاٹل نے اپنی 2 ارب 29 کروڑ روپے کی جائیداد اداکار کے نام کر دی، حالانکہ وہ سنجے دت سے کبھی ملی بھی نہیں تھیں، نیشا پاٹل ممبئی کی رہائشی ایک 62 سالہ گھریلو خاتون تھیں، جو ایک مہلک بیماری میں مبتلا تھیں، انہوں نے بینک کو متعدد خطوط لکھے اور اپنی پوری جائیداد سنجے دت کے نام کرنے کی خواہش ظاہر کی۔
سنجے دت نے یہ جائیداد لینے سے صاف انکار کر دیا اور کہا کہ وہ نیشا پاٹل کو ذاتی طور پر نہیں جانتے تھے اور اس خبر سے بہت زیادہ جذباتی ہو گئے ہیں، یہ خبر پولیس کے ذریعے سنجے دت تک پہنچی، جس پر وہ شدید حیرت میں مبتلا ہو گئے۔
ان کے وکیل نے بھی تصدیق کی کہ اداکار جائیداد پر کوئی دعویٰ نہیں کریں گے اور اسے نیشا پاٹل کے اہل خانہ کو واپس کرنے کے لئے قانونی کارروائی کریں گے۔
