لاہور: (ویب ڈیسک) پاکستان شوبز انڈسٹری کی معروف اداکارہ و ماڈل درفشاں سلیم نے کہا ہے کہ کامیابی کا کوئی شارٹ کٹ نہیں اس کیلئے محنت اور پختہ ارادہ بہت ضروری ہے۔
ایک انٹرویو میں خوبرو اداکارہ درفشاں سلیم نے کہا ہے کہ شوبز کی زندگی میں کامیابی کے لئے خود احتسابی ضروری ہے، میں ہمیشہ میرٹ اور محنت کو ترجیح دیتی ہوں اور یہی میری کامیاب زندگی کا راز ہے۔
انہوں نے کہا ہے کہ کامیابی کا کوئی شارٹ کٹ نہیں، کامیابی حاصل کرنے کے لئے پختہ ارادہ کا ہونا بہت ضروری ہے، مختصرعرصے میں جتنی کامیابی ملی ہے اس کا اندازہ نہیں تھا۔
درفشاں نے مزید کہا ہے کہ میں نے اپنے کیریئر میں بہترین صلاحیتوں کا اظہار کیا ہے تاہم خواہش ہے کہ ایسا کام کر جاؤں جسے لوگ مدتوں نہ بھلا سکیں، لوگ دوسروں کے بارے میں باتیں کرتے ہیں مگر اپنی اصلاح کے لئے کوئی تیار نہیں۔
