لاہور : (ویب ڈیسک) اداکارہ و میزبان نادیہ خان نے پاک بھارت کشیدگی کے دوران بھارتی میڈیا کی کوریج کو تماشا قرار دیتے ہوئے کہا ہے کہ بھارتی میڈیا نے مودی کو ایشوریا رائے بنا دیا۔
نادیہ خان نے کہا کہ بھارتی میڈیا صحافت کے بجائے مزاحیہ فلم کی شکل اختیار کر چکا ہے، ان کا چیخنا چلانا دیکھ کر ہنس ہنس کے لوٹ پوٹ ہو جاتی ہوں، لگتا ہے بھارتی چینلز خبر نہیں دے رہے بلکہ کارٹون شو نشر کر رہے ہیں۔
اداکارہ نے مزید کہا کہ بھارتی میڈیا کی کوریج دیکھ کر لگتا ہے جیسے سکرپٹ پہلے سے لکھا گیا ہو، ویڈیوز، گرافکس اور رپورٹرز کی باڈی لینگویج سب کچھ اتنا مرتب اور تیار شدہ ہوتا ہے کہ یوں محسوس ہوتا ہے جیسے یہ سب 2 ماہ پہلے ریکارڈ کیا گیا ہو۔
اپنے ایک بیان میں نادیہ نے یہ بھی کہا کہ بھارتی میڈیا پر مودی کو کچھ اس انداز سے پیش کیا گیا جیسے وہ ایشوریہ رائے ہوں، جیسے کئی مہینوں سے اُن کے چہرے پر فشل ہو رہے ہوں، اُن کی تیاری، لائٹنگ اور زاویے سب فلمی تھے۔
