کراچی: (ویب ڈیسک) معروف اداکارہ ہانیہ عامر نے کہا ہے کہ کسی بھی نئے پروجیکٹ کے انتخاب سے قبل الجھن کا شکار رہتی ہوں۔
ہانیہ عامر نے ایک انٹرویو میں گفتگو کرتے ہوئے کہا کہ کسی بھی پروجیکٹ کا انتخاب کرنے سے پہلے میں بہت الجھن کا شکار رہتی ہوں کہ میں نے اپنے مداحوں کے دلوں میں جگہ بنائی ہے کہیں میں وہ کھو نہ دوں، اس لیے میں بہت احتیاط سے اور بہت دھیان سےٹارگٹ کرکے اپنا اگلا پروجیکٹ کرتی ہوں۔
انہوں نے کہا کہ اگلے پروجیکٹ پر کام جاری ہے، ابھی اس پروجیکٹ کی صرف سکرپٹ پڑھنے کا کام کیا جارہا ہے، عنقریب نئے پروجیکٹ میں نظر آؤں گی، اداکارہ نے آخر میں اپنے تمام مداحوں کا دل سے شکریہ بھی ادا کیا۔
