لاہور: (ویب ڈیسک) پاکستانی اداکارہ غنیٰ علی نے اپنی اداکاری چھوڑنے کی خبروں پر لب کشائی کر دی۔
ایک انٹرویو کے دوران اداکارہ نے شوبز انڈسٹری اور اپنی اداکاری میں کیریئر کے حوالے سے گفتگو کی۔
اداکارہ نے کہا ہے کہ رمضان میں اعتکاف میں بیٹھی ہوئی تھی تو میرے بھائی نے موقع دیکھ کر سوشل میڈیا پر میرے شوبز انڈسٹری کو چھوڑنے کی پوسٹ لگا دی، سچ یہ ہے کہ میرے شوہر اور نہ ہی میری فیملی چاہتی ہے میں اداکاری کروں۔
انہوں نے مزید کہا ہے کہ اداکاری کرنا میرا شوق ہے اور میری فیملی محبت میں مجھے یہ کام کرنے دے رہی ہے، میں ایک شادی شدہ خاتون ہوں تو اگر حدود میں رہتے ہوئے کوئی اچھا کردار ملا تو میں ضرور فلم بھی کروں گی۔
