لاہور: (دنیا نیوز) پاکستان شوبز انڈسٹری کی خوبرو اداکارہ انمول بلوچ نے کہا ہے کہ کامیاب رشتے کیلئے ذہنی طور پر مضبوط ہونا ضروری ہے۔
حال ہی میں ایک انٹرویو میں اداکارہ انمول بلوچ نے اپنے خیالات کا اظہار کرتے ہوئے کہا ہے کہ کسی بھی رشتے میں قدم رکھنے سے پہلے انسان کو اپنے آپ پر توجہ دینی چاہیے۔
انہوں نے کہا ہے کہ کسی بھی رشتے کو کامیاب بنانے کے لیے ذہنی طور پر مضبوط ہونا بہت ضروری ہے کیونکہ رشتے کی بنیاد صحت مند ذہن پر ہی ممکن ہے، رشتہ بنانے سے پہلے انسان کو اپنے جذبات کو بہتر طور پر سمجھنا چاہیے اور اس کے لیے خود پر توجہ دینا ضروری ہے۔
انمول بلوچ نے مزید کہا ہے کہ اگر آپ اپنے جذبات کا سامنا کرنا سیکھ لیں تو ہی آپ اپنے پارٹنر کو بہتر طریقے سے سمجھ پاتے ہیں، تعلق میں خود کو نہیں کھونا چاہیے اور انسان کو اپنی حقیقت کو برقرار رکھنا چاہیے۔
