لاہور: (ویب ڈیسک) پاکستان کے سینئر اداکار آصف رضا میر نے آخرکار اپنے بیٹے احد رضا میر اور سابقہ بہو سجل علی کی علیحدگی پر لب کشائی کردی ۔
حال ہی میں ایک پروگرام میں شرکت کے دوران آصف رضا میر نے سجل علی کے ساتھ نئے ڈرامے میں کام کرنے کی تصدیق کی اور بتایا کہ وہ جلد ہی بڑے پراجیکٹ ’میں منٹو نہیں ہوں‘ میں سجل علی کے والد کا کردار ادا کرتے نظر آئیں گے۔
دوران انٹرویو آصف رضا میر نے صاف گوئی سے کام لیتے ہوئے کہا کہ ہم دونوں (سجل اور آصف رضا میر) نے فیصلہ کیا کہ ہم پروفیشنل آرٹسٹ ہیں، رشتے ختم ہو سکتے ہیں مگر احترام باقی رہنا چاہیے۔سجل کا بھی یہ قدم حوصلے اور ذہانت کا ثبوت ہے اور دونوں نے ماضی کو پیچھے چھوڑ کر فن کی راہ پر چلنے کا عزم کیا۔
آصف رضا میر نے نہایت وقار اور دانائی سے جواب دیا کہ ہماری فیملی میں اتنی پختگی ہے کہ ہم سوشل میڈیا کی افواہوں اور باتوں کو سنجیدہ نہیں لیتے۔انہوں نے مزید کہا کہ رشتے بننا اور ٹوٹنا زندگی کا حصہ ہیں، اصل عظمت یہ ہے کہ پرانے زخموں کو نہ چھیڑا جائے بلکہ وقار سے آگے بڑھا جائے۔
