کراچی: (ویب ڈیسک) پاکستانی اداکار و ہدایتکار یاسر حسین کا کہنا ہے کہ نادیہ خان ان دنوں بھارتی نیوز اینکر ارناب گوسوامی سے بھی 10 نمبر آگے ہیں ۔
اداکارہ و میزبان نادیہ خان نے حال ہی میں یاسر حسین کی ہدایتکاری میں بننے والے ڈرامہ سیریل پر تنقید کی ہے۔
نادیہ خان آج کل میزبانی سمیت ایک نجی ٹی وی چینل کے شو میں بطور جج کردار ادا کررہی ہیں، نادیہ خان ساتھی اداکاراؤں روبینہ اشرف اور مرینہ خان کے ساتھ آن ایئر ڈراموں پر اپنی رائے دیتی ہیں۔
تاہم نادیہ نے یاسر حسین کی ہدایتکاری میں بننے والے ڈرامے پر حال ہی میں اپنی رائے کا اظہار کرتے ہوئے اسے 4 نمبر اور ہدایتکاری کو 0 نمبر دیے ہیں۔
نادیہ کی یاسر کے ڈرامہ سیریل پر دی گئی رائے سے متعلق ویڈیو وائرل ہوئی تو اداکار یاسر حسین نے اداکارہ کی تنقید کا جواب اپنی انسٹاگرام سٹوری میں دیا۔
.jpg)
یاسر نے نادیہ کی ویڈیو انسٹاگرام پر شیئر کرتے ہوئے لکھا کہ میں نادیہ کے پورے کیریئر کی اداکاری کو 1.5 نمبر دیتا ہوں اور میزبانی کو 2.5 نمبر دیتا ہوں، باقی آج کل نادیہ خان ارناب گوسوامی سے 10 نمبر آگے ہیں، یاسر حسین کا کہنا ہے کہ ٹھنڈی سانس لیں، نمبرز سے کچھ نہیں ہوتا ہے۔
واضح رہے کہ نجی ٹی وی چینل پر نشر ہونے والے ڈرامہ سیریل میں یاسر حسین کی اہلیہ، اداکارہ اقراء عزیز اداکار شجاع اسد کے مدِ مقابل مرکزی کردار ادا کر رہی ہیں۔
