نیویارک: (ویب ڈیسک) عالمی شہرت یافتہ گلوکارہ اور بزنس وومن ریحانہ اور امریکی ریپر راکی کے ہاں پہلی بیٹی کی پیدائش ہوئی ہے، اس خوشخبری کے بعد جوڑے کے بچوں کی تعداد 3 ہوگئی۔
37 سالہ باربیڈین گلوکارہ ریحانہ نے انسٹاگرام پر مداحوں کے ساتھ یہ خبر شیئر کی اور نومولود بچی کی تصویر بھی جاری کی، پوسٹ کے کیپشن میں ریحانہ نے بیٹی کا نام اور تاریخ پیدائش ظاہر کرتے ہوئے لکھا، ’راکی آئرش میئرز، 12 ستمبر 2025۔‘
تصویر میں ریحانہ کو اپنی ننھی شہزادی کو گلابی لباس میں لپیٹے پیار سے بازوؤں میں تھامے دیکھا جا سکتا ہے۔
دلچسپ امر یہ ہے کہ ریحانہ کی اس خوشخبری سے ایک دن پہلے راکی نے فیشن میگزین کو دیئے گئے انٹرویو میں خواہش ظاہر کی تھی کہ وہ اور ریحانہ اس بار بیٹی کے والدین بنیں۔
انہوں نے کہا تھا کہ میں دعا کرتا ہوں کہ یہ لڑکی ہو، پہلے بچے کے وقت ہم نے جنس معلوم کی تھی لیکن دوسری اور تیسری بار ہم نے ایسا نہیں کیا لیکن میرا دل کہہ رہا ہے کہ یہ لڑکی ہو گی۔
یاد رہے کہ ریحانہ اور اے ایس اے پی راکی اس سے قبل دو بیٹوں کے والدین ہیں۔
