لندن: (ویب ڈیسک) ادب اور تھیٹر کی دنیا کے نامور برطانوی ڈرامہ نگار ٹام سٹوپارڈ88 برس کی عمر میں اپنے گھر پر اپنے اہل خانہ کی موجودگی میں انتقال کر گئے۔
ٹام کے نمائندے نے بتایا کہ سٹوپارڈ کی زندگی کا پرامن انداز میں اختتام ہوا، سٹوپارڈ کو ان کی فکری اور منفرد تحریری صلاحیتوں کی بدولت بطور ڈرامہ نگار اور سکرین رائٹرعالمی پذیرائی حاصل ہوئی۔
برطانوی ڈرامہ نگار کی کی سب سے مشہور تخلیق 1998 کی فلم شیکسپیئر ان لو ہے، جس کے لیے انہیں آسکر اور گولڈن گلوب ایوارڈ سے نوازا گیا۔
ان کی تھیٹر کی زندگی 1960 کی دہائی سے شروع ہوئی اور ان کے لکھے مشہور ڈراموں میں لیو پول، دی رئیل تھنگ، آرکیڈیا، روزن کرانٹز شامل ہیں۔
ٹام سٹوپارڈ کے ڈرامے فلسفہ، سیاست، ادب اور انسانی جذبات کا حسین امتزاج مانے جاتے تھے۔
ان کے انتقال سے تھیٹر اورادب کے شائقین میں غم کی لہر دوڑ گئی ہے، ٹام سٹوپارڈ کو ان کے لطیف مگر عمیق مکالمے، انسانی جذبات کی عکاسی اور تخیل کے امتزاج کے لیے ہمیشہ یاد رکھا جائے گا۔
برطانیہ کی حکومت نے ٹام سٹوپارڈ کو سر کے خطاب سے نوازا تھا۔
