لاہور: (ویب ڈیسک) معروف ٹک ٹاکر و ماڈل ربیکا خان اور یوٹیوبر حسین ترین کی شادی کی تصاویر اور ویڈیوز سوشل میڈیا پر دھوم مچا رہی ہیں جس پر صارفین جوڑے کو بھرپور مبارکباد اور نیک تمناؤں سے نواز رہے ہیں۔
گزشتہ روز دونوں کی شادی کی تقریب مالم جبہ میں منعقد ہوئی جس میں دلہا اور دلہن نہایت خوش نظر آئے، تقریب میں شوبز شخصیات، ٹک ٹاکرز اور یوٹیوبرز کی بڑی تعداد نے شرکت کی۔
ربیکا خان نے اپنے بڑے دن کے لیے انارکلی طرز کی شرٹ کے ساتھ خوبصورت لال لہنگا پہنا جبکہ حسین ترین نے آف وائٹ شیروانی کا انتخاب کیا تاہم دونوں کی دلکش تصاویر اور ویڈیوز تیزی سے سوشل میڈیا پر وائرل ہو رہی ہیں۔
دونوں نے خود بھی اپنے آفیشل انسٹا گرام پر شادی کی تصاویر اور ویڈیوز شیئر کی ہیں، جن پر مداحوں کی جانب سے مبارکبادوں کا سلسلہ جاری ہے اور نیک تمناؤں کا بھی اظہار کیا جا رہا ہے۔
یاد رہے ربیکا خان اور حسین ترین کی شادی کی تقریبات رواں سال کے آغاز سے جاری تھیں، جون میں ان کا نکاح ہوا تھا، دونوں طویل عرصے سے ایک دوسرے کے ساتھ رشتے میں منسلک تھے۔
