لاہور: (ویب ڈیسک) 2025 پاکستانی شوبز، سپورٹس اور ڈیجیٹل دنیا کے لیے غیر معمولی ثابت ہوا، جہاں کئی معروف شخصیات کی شادیاں انجام کو پہنچیں، یہ علیحدگیاں نہ صرف مداحوں کے لیے حیرت کا باعث بنیں بلکہ سوشل میڈیا اور عوامی حلقوں میں بھی زیرِ بحث رہیں۔
عماد وسیم اور ثانیہ اشفاق
سابق قومی کرکٹر عماد وسیم کی اہلیہ ثانیہ اشفاق نے علیحدگی کے بعد سخت ردِعمل دیتے ہوئے کہا کہ ان کا گھر ٹوٹ چکا ہے اور بچے باپ کی توجہ سے محروم ہو گئے ہیں، ان کے مطابق ازدواجی زندگی میں ایک تیسرے فرد کی مداخلت کے بعد معاملات بگڑ گئے تھے۔
انوشے عباسی اور اینان عارف
اداکارہ انوشے عباسی نے ایک پوڈکاسٹ میں انکشاف کیا کہ ان کی طلاق 6 سال قبل ہوچکی تھی، تاہم انہوں نے اس حوالے سے اب کھل کر گفتگو کی اور اپنی ذاتی زندگی کے تجربات شیئر کیے۔
سحر حیات اور سمیع رشید
ٹک ٹاکر سحر حیات نے شوہر سمیع رشید سے طلاق کی تصدیق بھی سال 2025 میں کی، ان کے ہاں 2024 میں پہلے بچے کی پیدائش ہوئی تھی، جس کے بعد علیحدگی اور بچے کی پرورش سے متعلق معاملات موضوعِ بحث بنے رہے۔
خوشبو اور ارباز خان
معروف فلمی اداکارہ خوشبو نے ایک انٹرویو میں پہلی بار سابق شوہر ارباز خان سے علیحدگی کی تصدیق کی، ان کا کہنا تھا کہ انہیں ازدواجی زندگی میں دھوکے کا سامنا کرنا پڑا اور مشکل وقت میں انہیں تنہا چھوڑ دیا گیا۔
عاصم اظہر اور میرب علی
گلوکار عاصم اظہر نے سوشل میڈیا کے ذریعے تصدیق کی کہ ان کی اور اداکارہ میرُب علی کی منگنی ختم ہوچکی ہے، اس خبر نے ان مداحوں کو خاص طور پر مایوس کیا جو اس جوڑے کی شادی کے منتظر تھے۔
زارا ترین اور فاران طاہر
اداکارہ زارا ترین نے ایک پوڈکاسٹ میں گفتگو کرتے ہوئے بتایا کہ ان کی شادی کے حوالے سے عام تاثر درست نہیں، ان کے مطابق یہ رشتہ دو سال نہیں بلکہ صرف چار ماہ ہی برقرار رہ سکا تھا۔
حنا رضوی اور عمار احمد
اداکارہ شرمین حنا رضوی نے انسٹاگرام پر ایک پوسٹ کے ذریعے شوہر عمار احمد خان سے علیحدگی کا اعلان کیا تاہم تاحال باضابطہ طلاق سے متعلق کوئی حتمی بیان سامنے نہیں آیا۔
سبحان عمیس اور عبیر اسد
فروری 2025 میں شادی کے بندھن میں بندھنے والا یہ جوڑا صرف سات ماہ بعد ہی علیحدہ ہوگیا، دونوں جانب سے طلاق کی وجوہات کو عوام کے سامنے لانے سے گریز کیا گیا۔
میرا سیٹھی اور بلال ایم صدیقی
اداکارہ و مصنفہ میرا سیٹھی نے بتایا کہ ان کا طلاق اپنے بچپن کے دوست بلال صدیقی سے ہو چکا ہے، جو کہ انھوں نے 2025 میں منظر عام پر لایا۔
ایمن زمان اور مجتبیٰ لاکھانی
ٹک ٹاکر اور اداکارہ ایمن زمان نے اپنے شوہر مجتبیٰ لاکھانی سے راہیں جدا کرنے کی تصدیق کی، علیحدگی کے بعد انہوں نے سوشل میڈیا سے شوہر کے ساتھ موجود تمام تصاویر اور ویڈیوز بھی ہٹا دیں۔
سارہ عمر اور محسن طلعت
اداکارہ سارہ عمر نے انکشاف کیا کہ نو سالہ ازدواجی رشتہ اختتام کو پہنچ چکا ہے، طلاق کے بعد انہوں نے دوبارہ عملی زندگی کا آغاز کیا اور ذاتی مشکلات سے نکلنے کے لیے رئیلٹی شو تماشہ میں شرکت کی۔
