جعلی خبریں
خلاصہ
- پشاور: (دنیا نیوز) وفاقی تحقیقاتی ادارے (ایف آئی اے) نے ملک میں جعلی خبریں پھیلانے والوں کیخلاف کارروائی کا آغاز کر دیا ہے، پشاور میں پاکستان تحریک انصاف (پی ٹی آئی) کے کارکن کو گرفتار کر لیا گیا۔
ایف آئی اے کے مطابق پشاور کے ورسک روڈ پر کارروائی کی گئی جس کے دوران پی ٹی آئی کے کارکن فیاض خلیل کو گرفتار کیا گیا ،ایف آئی اے کے مطابق کارکن کو سوشل میڈیا پرغلط خبرچلانے پرگرفتارکیا گیا۔
ایف آئی اے حکام کے مطابق تحریک انصاف کے کارکن نے مسلم لیگ کی رہنماء مریم نواز کے خلاف غلط خبر شیئرکی تھی، ملزم کو عدالت میں پیش کیا گیا،عدالت نے ملزم کو 7 روزہ ریمانڈ پر جیل بھیجنے کے احکامات جاری کئے جس کے بعد پی ٹی آئی کارکن کو جیل بھیج دیا گیا۔
