جعلی خبریں
خلاصہ
- لاہور: (ویب ڈیسک) سوشل میڈیا پر عمران خان کے ساتھ تصویر میں نظر آنے والی خاتون سے متعلق دعویٰ کیا جا رہا کہ اس کا تعلق بھارت سے ہے اور خاتون کو فوٹو شاپ کی مدد سے عمران خان کے ساتھ بٹھایا گیا ہے جبکہ حقیقت میں یہ تصویر اصلی ہے۔
غیر مستند خبر
اظہر سید نامی ایک ٹوئٹر صارف نے تصویر شیئر کرتے ہوئے دعویٰ کیا کہ تجربہ کار سائبر سیل والوں نے بھارتی شادی میں شریک خاتون کو فوٹو شاپ کر کے نوسر باز کے ساتھ بٹھا دیا اور آفیشل پیج سے تصویر شیئر بھی کر دی۔
— Azhar Syed (@AzharSyed98) February 12, 2023
اس غیر مستند خبر پر مبنی ٹوئٹ کو ٹوئٹر پر ایک لاکھ سے زائد مرتبہ دیکھا جا چکا ہے جبکہ متعدد صارفین کی جانب سے اسے لائیکس دیے گئے اور ری ٹوئیٹ بھی ملتے رہے۔
مستند خبر
مستند خبر یہ ہے کہ تصویر میں نظر آنے والی خاتون کا نام مقصود بی بی ہے اور ان کا تعلق صوبہ پنجاب کے شہر چکوال سے ہے، یہ تصویر 31 جنوری 2020ء کو وفاقی دارالحکومت میں پی ٹی آئی گورنمنٹ کے زیر اہتمام ’ احساس کفالت‘ کے حوالے سے منعقدہ تقریب میں لی گئی تھی۔
— Prime Minister s Office (@PakPMO) January 31, 2020
