لاہور: (دنیانیوز) پنجاب میں ڈینگی کے وار بے قابو، گزشتہ چوبیس گھنٹوں میں مزید 141 کیسز رپورٹ ہوئے ہیں ۔
ترجمان محکمہ صحت کے مطابق گزشتہ چوبیس گھنٹوں میں راولپنڈی سے 118 جبکہ لاہور اور اٹک سے 4-4 ڈینگی کے کیس رپورٹ ہوئے، چکوال اور وہاڑی سے 3-3 جبکہ گوجرانوالہ سے 02 نئے مریض سامنے آئے ہیں۔
ترجمان نے بتایا کہ فیصل آباد، بہاولپور، میانوالی، سیالکوٹ، ساہیوال، چنیوٹ اور پاکپتن سے ایک، ایک ڈینگی کیس رپورٹ ہوا ہے ۔
ترجمان محکمہ صحت کا کہنا ہے کہ ایک ہفتہ میں 954 جبکہ رواں سال اب تک 5897 ڈینگی کے کیسز رپورٹ ہوئے ہیں ، محکمہ صحت نے انسداد ڈینگی کے لئے تمام انتظامات مکمل کر رکھے ہیں، تمام سرکاری ہسپتالوں میں ڈینگی سمیت دیگر ادویات کا سٹاک موجود ہے۔
