مظفرآباد: (دنیا نیوز) آزاد جموں و کشمیر میں ڈینگی وائرس روز بروز بڑھنے لگا ہے۔
ڈینگی کنٹرول روم کی جانب سے حالیہ رپورٹ کے مطابق مزید 202 مریضوں میں ڈینگی وائرس کی تصدیق ہوئی ہے، جس کے نتیجے میں ڈینگی سے متاثرہ مریضوں کی تعداد 1447 تک پہنچ گئی۔
اعداد و شمار کے مطابق مظفرآباد میں سب سے زیادہ 1000 کیسز رپورٹ ہوئے ہیں، اس کے علاوہ باغ میں 111، میرپور میں 243، جہلم ویلی میں 16، نیلم ویلی میں 17، سدھنوتی میں 3، حویلی میں 6، پونچھ میں 34، ضلع کوٹلی میں 7 اور بھمبر میں 10 کیسز کی تصدیق ہوئی ہے۔
آزاد کشمیر کے مختلف ہسپتالوں میں 41 مریض زیر علاج ہیں، جبکہ مزید 248 مریضوں کو صحتیاب ہونے پر گھر منتقل کر دیا گیا ہے۔
