لاہور (دنیا نیوز) مسلم لیگ ن نے پارٹی امیدواروں کی نا مکمل لسٹ کا اعلان کر دیا ۔ پارٹی نےلاہور کی قومی اسمبلی کی 14 نشتوں کے لئے امیدوار فائنل کر لیئے جبکہ صوبائی اسمبلی کے لئے 30 نشتوں میں سے 19 ابھی فائنل نہیں ہوئے۔
تفصیلات کے مطابق سابق صوبائی وزیر بلال یاسین کو بھی ابھی تک پارٹی ٹکٹ جاری نہیں کیا گیا۔
گزشتہ روز، بلال یاسین نے اعلان کیا تھا کہ اگر مریم نواز انتخابات میں این اے 125 سے لڑتی ہیں تو وہ اس حلقے سے الیکشن نہیں لڑیں گے، لیکن اگر مریم کسی اور حلقے سے انتخابات میں حصہ لیتی ہیں تو پھر وہ اپنے حلقے کو کسی اور کیلئے کھلا نہیں چھوڑیں گے۔ بلال یسین کا یہ بھی کہنا تھا کہ قیادت جو فیصلہ کرے گی اس کا پابند ہوں، ماضی میں اسی حلقے سے ممبر قومی اسمبلی رہ چکا ہوں، پہلا حق میرا بنتا ہے۔
