دانیال عزیز نے سپریم کورٹ کے جسٹس عظمت سعید کی سربراہی میں 3 رکنی بنچ کی جانب سے سنائی گئی سزا معطل کرنے کی استدعا کی ہے۔ سپریم کورٹ نے عدالت برخاستگی تک ن لیگی رہنما سزاسنائی تھی اور ان کو 5 سال کے لئے الیکشن لڑنے سے بھی نااہل قرار دیدیا گیا تھا۔

عدالت عظمی نے ن لیگی رہنما کے خلاف توہین عدالت کیس کا تفصیلی فیصلہ رواں جون کے آخر میں سنایا تھا۔ جس میں کہا گیا تھا کہ دانیال عزیز نے تقریر کے دوران عدلیہ کیخلاف تضحیک آمیز الفاظ استعمال کئے۔ عدالت کی جانب سے جاری کئے گئے فیصلے کے مطابق ن لیگی رہنما نے نظام انصاف میں رکاوٹ ڈالی جبکہ عدالتی امور پر اثر انداز ہونے کی بھی کوشش کی۔ دانیال عزیز نے عدلیہ اور معزز ججز کے بارے میں توہین آمیز رویہ اپنایا۔ سپریم کورٹ آرٹیکل 63 ون جی کے تحت دانیال عزیز 5 سال کیلئے نااہل بھی قرار دیا۔ عدالت عظمی نے 2 فروری کو سابق وزیر دانیال عزیز کی عدلیہ کے خلاف تضحیک آمیز تقریر پر از خود نوٹس لیا تھا۔