پاکستان
خلاصہ
- راولپنڈی: (روزنامہ دنیا) لیگی رہنما حنیف عباسی کی اہلیہ نے کہا ہے کہ سروسز ہسپتال لاہور کی سی ٹی سکین رپورٹ آ گئی ہے ۔ حنیف عباسی کے بائیں گردے میں سوجن ہو گئی ہے ، انہیں گردے کی فوری سرجری کی ضرورت ہے ۔ اپنے بیان میں انہوں نے کہا کہ سرجری نہ کرائی تو حنیف عباسی کے گردے فیل ہو سکتے ہیں۔
واضح رہےکہ ایفی ڈرین کوٹہ کیس میں عمر قید کی سزا کاٹنے والے نون لیگ کے رہنما حنیف عباسی کو اٹک سے کوٹ لکھپت جیل لاہور منتقل کر دیا گیاتھا۔حنیف عباسی کو کوٹ لکھپت جیل لاہور منتقل کرنے سے متعلق ان کے اہلخانہ کو بھی آگاہ نہیں کیا گیا۔ لیگی رہنما ممنوعہ کیمیکل ایفی ڈرین کے حد سے زائد کوٹہ حصول اور غیرقانونی استعمال کے جرم میں عمرقید کی سزا کاٹ رہے ہیں۔
