اسلام آباد: (دنیا نیوز) وزیراعظم کی معاون خصوصی فردوس عاشق اعوان نے کہا ہے کہ امیر قطر کا دورہ دونوں ممالک کے مابین بھائی چارے پر مبنی ہے، اس سے تعلقات کو فروغ ملے گا۔ دوحہ میں آئی ٹی شعبہ بھارت سے چھین لیں گے۔
فردوس عاشق اعوان کا ٹویٹ میں کہنا تھا کہ پاکستان سرمایہ کاری اور سیاحت میں دنیا کے لیے پرکشش منزل بن کر ابھر رہا ہے، ماضی میں قطر کے ساتھ تعلقات میں خاندانی مفادات کو ترجیح دی گئی۔
امیر قطر کا پاکستان دورہ دونوں ممالک کے مابین بھائی چارے پر مبنی تعلقات کو مختلف شعبوں میں مزید مضبوط اور فروغ دے گا۔عمران خان کی قیادت میں پاکستان سرمایہ کاری اور سیاحت میں دنیا کے لیے ایک پرکشش منزل بن کر ابھر رہا ہے۔وزیراعظم پاکستان کو سرمایہ کار دوست ملک بنانے جا رہے ہیں۔
— Firdous Ashiq Awan (@Dr_FirdousPTI) June 23, 2019
انھوں نے کہا کہ دونوں ممالک کے مابین مختلف شعبوں میں معاہدے دو طرفہ تعلقات کو مزید وسعت دیں گے۔ دوحہ میں آئی ٹی شعبہ بھارت سے چھین لیں گے۔
ماضی میں قطر کے ساتھ تعلقات میں قومی مفاد کے تحفظ کی بجائے خاندانی مفادات کو ترجیح دی گئی۔اب قریبی اور خوشگوار تعلقات مضبوط اور متحرک معاشی تعاون میں تبدیل ہوں گے ۔دونوں ممالک کے مابین مختلف شعبوں میں معاہدے دو طرفہ تعلقات اور باہمی تعاون کو مزید وسعت دیں گے۔
— Firdous Ashiq Awan (@Dr_FirdousPTI) June 23, 2019
