راولپنڈی: (دنیا نیوز) پاک فوج کے ترجمان میجر جنرل آصف غفور نے کہا ہے کہ ہر لاپتا فرد کی گمشدگی کا تعلق ریاست سے نہیں جوڑا جا سکتا۔
پاک فوج کے شعبہ تعلقات عامہ (آئی ایس پی آر) کے مطابق ڈیفنس آف ہیومن رائٹس کی سربراہ آمنہ جنجوعہ نے پاک فوج کے ترجمان میجر جنرل آصف غفور سے ملاقات کی۔ آمنہ مسعود نے ریاست اور سیکیورٹی فورسز کی حمایت اور سپورٹ کا شکریہ ادا کیا۔
اس موقع پر ڈی جی آئی ایس پی آر میجر جنرل آصف غفور کا کہنا تھا کہ ہر لاپتا فرد کی گمشدگی کا تعلق ریاست سے نہیں جوڑا جا سکتا۔ ہمارے دل لاپتا افراد کے خاندانوں کے ساتھ رہتے ہیں۔ ریاست کے پاس موجود لوگ ایک قانونی طریقہ کار کے تحت رکھے جاتے ہیں۔
ترجمان پاک فوج کا کہنا تھا کہ مسئلہ کے حل کے لیے جوڈیشل کمیشن کے ساتھ مل کر دن رات کام کر رہے ہیں۔ اس معاملے پر جی ایچ کیو میں خصوصی سیل قائم کیا گیا ہے۔
Not every person missing is attributable to state. Many are there as part of TTP in Afg/ elsewhere or got killed fighting as part of TTP. Those with state are under legal process. She pledged that affected families shall not allow any anti state force to exploit them.(2of2). pic.twitter.com/DugYN1o1CC
— Maj Gen Asif Ghafoor (@OfficialDGISPR) July 5, 2019
اس موقع پر آمنہ مسعود جنجوعہ نے لاپتا افراد کے مسئلہ کو منطقی انجام تک پہنچانے میں ریاست پر بھرپور اعتماد کا اظہار کیا اور اپیل کی کہ متاثرہ خاندان کسی بھی ریاست دشمن طاقت کے آلہ کار نہ بنیں۔
Met Amina Masood Janjua. Issue of missing persons discussed. State is with them to facilitate and address the issue. COAS has constituted a spec cell at GHQ for assisting the process. Our hearts go with the families of missing persons being Pakistanis. (1of2). pic.twitter.com/O5nI4hJ5Kc
— Maj Gen Asif Ghafoor (@OfficialDGISPR) July 5, 2019
