لاہور: (دنیا نیوز) وزیراعلیٰ عثمان بزدار نے خود گاڑی ڈرائیو کی۔ وہ شملہ پہاڑی، بوہڑ والا چوک، مال روڈ، منٹگمری روڈ، لکشمی چوک، جی پی او چوک اور دیگر علاقوں میں پہنچے اور شدید بارش کے بعد پیدا ہونے والی صورتحال کا جائزہ لیا۔
وزیراعلیٰ پنجاب نے بارش کے پانی میں پھنسی خواتین اور بچوں کو اپنی گاڑی میں بٹھایا اور انہیں ان کے متعلقہ مقام پر پہنچایا۔ وزیراعلیٰ نے نکاسی آب کے انتظامات کا جائزہ لیا اور ہدایت کی کہ جتنی جلدی ممکن ہو سکے نکاسی آب کا کام مکمل کیا جائے۔
وزیراعلی پنجاب کا لاہور شہر میں موسلا دھار بارش کے بعد نکاسی آب کے انتظامات کا جائزہ.وزیراعلی نے خودگاڑی چلاکرشہر کے مختلف مقامات کا دورہ کیا؛بارش کے پانی میں پھنسی خواتین اور بچوں کو اپنی گاڑی میں لفٹ دی
— Dr. Shahbaz GiLL (@SHABAZGIL) July 16, 2019
لاہور کوپیرس بنانے کا دعوی کرنے والوں نے نکاسی آب کا کوئی منصوبہ نہیں بنایا pic.twitter.com/jD41kIO4np
انہوں نے ہدایات جاری کی کہ انتظامی افسران اور واسا حکام نکاسی آب مکمل ہونے تک فیلڈ میں خود موجود رہیں جبکہ بارش کے دوران سڑکوں پر ٹریفک رواں دواں رکھنے کیلئے ٹریفک پولیس مستعدی سے کام کرے۔
وزیراعلی پنجاب بارش کے بعد شہر میں نکاسی آب کی اصل صورتحال جاننے کیلئے سیف سٹیز اتھارٹی پہنچے؛کیمروں کے ذریعے مختلف مقامات پرنکاسی آب آپریشن کا جائزہ لیا
— Dr. Shahbaz GiLL (@SHABAZGIL) July 16, 2019
تمام متعلقہ افسران فیلڈ میں جائیں اور شہریوں کی سہولت کیلئے فوری اقدامات کریں: وزیراعلیٰ پنجاب pic.twitter.com/U06UKdzMt5
انہوں نے شہریوں کو یقین دہانی کرائی کہ مشکلات کا جلد ازالہ کیا جائے گا۔ میں عوام سے ہوں اور عوام کی مشکلات کے جلد ازالے کیلئے انتظامیہ کو متحرک کر دیا ہے۔
