تازہ ترین
  • بریکنگ :- حکومت نے پٹرولیم مصنوعات کی قیمتوں میں اضافہ کر دیا
  • بریکنگ :- پٹرول 14روپے 85 پیسے فی لٹر مہنگا
  • بریکنگ :- ڈیزل 13روپے 23 پیسےفی لٹرمہنگا
  • بریکنگ :- مٹی کاتیل 18 روپے 83 پیسے فی لٹرمہنگا
  • بریکنگ :- لائٹ ڈیزل 18 روپے 68 پیسےفی لٹرمہنگا
  • بریکنگ :- پٹرول کی نئی قیمت 248 روپے 74 پیسے فی لٹرمقرر
  • بریکنگ :- ڈیزل کی نئی قیمت 276روپے 54 پیسےفی لٹرمقرر
  • بریکنگ :- مٹی کاتیل 230 روپے 26 پیسے فی لٹر ہوگیا
  • بریکنگ :- لائٹ ڈیزل 226روپے 15 پیسےفی لٹرہوگیا
  • بریکنگ :- پٹرول پر 10 روپے اورڈیزل پر 5 روپےفی لٹر لیوی عائد
  • بریکنگ :- لائٹ ڈیزل اورمٹی کےتیل پر 5،5 روپے فی لٹرلیوی عائد

پاکستان نے دہشت گردی کے خلاف امریکی جنگ لڑی: وزیراعظم

Last Updated On 24 July,2019 06:35 am

واشنگٹن: (دنیا نیوز) وزیراعظم عمران خان نے کیپیٹل ہل میں پاکستان کاکس کے امریکی کانگریس اراکین سے ملاقات کی. وزیراعظم نے اس موقع خطاب کرتے ہوئے کہا کہ پاکستان نے دہشت گردی کے خلاف امریکی جنگ لڑی اور ناقابل تلافی نقصان اٹھایا، دونوں‌ ممالک کے مابین نائن الیون کے بعد غلط فہمیاں پیدا ہوئیں۔

وزیراعظم عمران خان جب کیپٹل ہل پہنچے تو امریکی ہاوس آف ریپریزنٹیٹو کی سپیکر نینسی پلوسی سمیت کانگریس اراکین نے ان کا شاندار استقبال کیا۔ نینسی پلوسی نے اپنے استقبالیہ خطاب میں کہا کہ وزیراعظم عمران خان کو کیپٹل ہل آمد پر خوش آمدید کہتے ہیں۔ جنوبی ایشیا میں امن کے لیے وزیراعظم عمران خان کی کوششوں کوسراہتے ہیں۔ انھوں نے کہا کہ پاکستان اورامریکا کے تعلقات انتہائی اہم ہیں، پاکستانی امریکا کی ترقی میں اہم کردار ادا کر رہے ہیں۔ انسداد دہشت گردی اور منی لانڈرنگ کے خلاف پاکستان کا بھرپور تعاون حاصل ہے۔

تقریب سے خطاب میں وزیراعظم نے کہا کہ دورہ امریکا کے بعد تعلقات سچائی اور بھروسے پر مبنی ہوں گے، یہاں آنے کامقصد ہے کہ امریکی پاکستان کو سمجھیں۔ پاکستان نے دہشتگردی کے خلاف امریکی جنگ لڑی جس میں پاکستان کا ناقابل تلافی نقصان ہوا۔ پاکستان نے امریکا کی جنگ میں ہزاروں قربانیاں دیں لیکن امریکا نے ہمیشہ پاکستان سے ڈومور کا مطالبہ کیا۔ اس کی وجہ امریکا میں پاکستان سے متعلق غلط فہمی پائی جاتی تھی۔ واشنگٹن سے برابری اور باہمی احترام کی سطح پر تعلقات چاہتے ہیں۔

عمران خان نے کہا کہ ماضی کی حکومتوں نے امریکا کو زمینی حقائق سے متعلق درست آگاہ نہیں کیا، میں نے صدر ٹرمپ کو خطے کی حقیقی صورتحال سے آگاہی دی ہے، ٹرمپ پر واضح کر دیا تعلقات بھروسے اوربرابری کی سطح پر ہوں گے، پاکستان اور امریکا کا مشترکہ مقصد خطے میں پائیدار امن کا قیام ہے۔