اسلام آباد: (دنیا نیوز) مولانا فضل الرحمن کے کوئٹہ میں ملین مارچ سے خطاب پر ردعمل دیتے ہوئے وفاقی وزیر برائے سائنس اینڈ ٹیکنالوجی نے ٹویٹ کیا کہ مولانا کی زبان اور کلام دہشت گردوں والا ہے۔
فواد چودھری نےاپنی ٹویٹ میں لکھا کہ مولانا فضل الرحمان کی زبان، کلام اور اقدام سیاسی جماعت والے نہیں بلکہ دہشت گرودوں والے ہیں۔
آپ کی زبان،کلام اور اقدام سیاسی جماعت اور سیاسی لیڈرشپ کے نہیں بلکہ دہشت گرودوں والے ہیں، سیاست آئین کی حدود میں کریں الطاف حسین بننے کی کوشش نہ کریں ورنہ آپ کو لیبیا نہ جانا پڑے جہاں حالات ایسے نہیں کہ آپ وہ آرام دہ زندگی گزار سکیں جو پاکستان میں گزار رہے ہیں۔ https://t.co/9Q1N0MCXRC
— Ch Fawad Hussain (@fawadchaudhry) July 28, 2019
انہوں نے مشورہ دیا کہ مولانا سیاست آئین کی حدود میں رہ کر کریں اور بانی متحدہ بننے کی کوشش نہ کریں، کہیں انہیں لیبیا نہ جانا پڑے جہاں وہ آرام دہ زندگی نہیں ہے جو وہ پاکستان میں گزار رہے ہیں۔
