راولپنڈی: (دنیا نیوز) پاک فوج کے ترجمان میجر جنرل آصف غفور نے ایک بار پھر بھارتیوں پر سخت تنقید کرتے ہوئے انھیں سچ کا ساتھ دینے کی ترغیب دیتے ہوئے کہا ہے کہ ان کے پاس اپنے آرمی چیف کے جھوٹے دعوے کو سچ ثابت کرنے کا نہ تو کوئی جواز ہے اور نہ ہی کوئی دلیل ہے۔
سماجی رابطوں کی ویب سائٹ ٹویٹر پر جاری اپنے بیان میں ڈی جی آئی ایس پی آر میجر جنرل آصف غفور نے کہا کہ اگر بھارتی ہماری پیشکش کے باوجود وہاں نہیں جانا چاہتے تو پاکستان سے ٹارگٹڈ لوکیشنز کا محل وقوع شیئر کریں۔ ہم کل غیر ملکی سفارتکاروں اور میڈیا کو ان علاقوں کا دورہ کرانے لے کر جا رہے ہیں تاکہ وہ تمام حقائق کا خود جائزہ لے سکیں۔
Indians have no grounds to support false claim made by their COAS. If they don’t want to go they have the option to share claimed targeted locations with our foreign office. We will take foreign diplomats & media tomorrow on those given locations. Let all see facts on ground. https://t.co/vaWaSymRbm
— DG ISPR (@OfficialDGISPR) October 21, 2019
The propensity of false claims by senior Indian military leadership especially since Pulwama incident is detrimental to peace in the region. Such false claims by Indian Army are being made to suit vested domestic interests. This is against professional military ethos.2/2.
— DG ISPR (@OfficialDGISPR) October 20, 2019
یہ بھی پڑھیں: بھارتی آرمی چیف کا 3 مبینہ کیمپ تباہ کرنیکا دعویٰ مایوس کن ہے، میجر جنرل آصف غفور
انہوں نے کہا تھا کہ آزاد کشمیر میں کسی قسم کے کوئی کیمپ نہیں، یہ جھوٹے دعوے عسکری روایات کے منافی ہیں، ہم بھارتی سفارتخانے کو دعوت دیتے ہیں کہ کسی میڈیا یا سفیر کو لے جا کر دعوؤں کو ثابت کرکے دکھائے۔
میجر جنرل آصف غفور کا کہنا تھا بھارتی فوجی قیادت مسلسل جھوٹ بول رہی ہے۔ بھارت پلواما واقعہ کے بعد بھی ایسے جھوٹے دعوے کر چکا ہے۔ بھارتی فوج کے جھوٹے دعوے علاقائی سلامتی کے لیے خطرہ ہیں۔ بھارتی فوج کی جانب سے ایسے دعوے داخلی فائدے کیلئے کیے جا رہے ہیں۔
Indian Embassy has yet not responded to offer made by DG ISPR. It indicates that they have no grounds to support false claim by their COAS. We expect them to respond soon.
— Dr Mohammad Faisal (@ForeignOfficePk) October 21, 2019
