بیجنگ: (دنیا نیوز) چینی وزارت خارجہ کے ترجمان لیجیان ژاؤ نے کرونا وائرس کیخلاف چین کے کردار کو سراہنے پر وزیراعظم عمران خان اور آرمی چیف جنرل قمر جاوید باجوہ کا شکریہ ادا کیا ہے۔
چین کی وزارت خارجہ کے ترجمان لیجیان ژاؤ نے سماجی رابطوں کی ویب سائٹ ٹویٹر کے ذریعے کہا کہ ہم وزیراعظم عمران خان اور پاک فوج کے سپہ سالار جنرل قمر جاوید باجوہ کے شکر گزار ہیں۔
Pakistan PM Imran Khan & Army Chief Gen Bajwa highly appreciated China as responsible and determined nation fighting #COVID19. Both asked Pakistanis to follow Chinese experience. Thanks to PM Khan & Gen Bajwa! I wish Pakistan could defeat #COVID19 ASAP.
— Lijian Zhao 赵立坚 (@zlj517) March 22, 2020
ترجمان لیجیان ژاؤ نے اپنی ٹویٹ میں کہا کہ عمران خان اور آرمی چیف نے کرونا وائرس کے خلاف چین کے کردار کو ذمہ دارانہ اور پرعزم قوم کے طور پر سراہا۔
ان کا کہنا تھا کہ دونوں رہنماؤں نے پاکستانیوں سے کہا کہ چین کے تجربات کی پیروی کریں۔ ہماری خواہش ہے کہ پاکستان کرونا کے خلاف جلد از جلد کامیاب ہو۔
ترجمان چینی وزارت خارجہ نے اپنے ایک دوسرے ٹویٹ میں لکھا کہ امریکی محکمہ صحت نے تسلیم کر لیا ہے کہ کو وہ کرونا وائرس کے مریضوں کو زکام کا مریض سمجھتے رہے۔
US CDC admitted some #COVID19 patients were misdiagnosed as flu during 2019 flu season. 34 million infected & 20000 died. If #COVID19 began last September, & US has been lack of testing ability, how many would have been infected? US should find out when patient zero appeared.
— Lijian Zhao 赵立坚 (@zlj517) March 22, 2020
انہوں نے کہا کہ امریکا میں 2019ء میں زکام سے 3 کروڑ 40 لاکھ افراد متاثر ہوئے جن میں سے 20 ہزار کی اموات ہوئی۔ اگر امریکا میں گزشتہ ستمبر میں کرونا وائرس کا آغاز ہو گیا تھا تو اب تک کتنے افراد وائرس سے متاثر ہو چکے ہیں؟ امریکا کو تحقیق کرنی چاہیے کہ کرونا وائرس کا پہلا مریض کب سامنے آیا تھا؟
