لاہور: (دنیا نیوز) ملک کے بیشتر علاقوں میں جمعہ کو موسم خشک اور گرم رہے گا۔ تاہم خیبر پختونخوا، پنجاب کے میدانی علاقوں اور شمالی بلوچستان میں آندھی اور گرج چمک کے ساتھ ہلکی بارش کا امکان ہے۔
محکمہ موسمیات کے مطابق جمعہ کو اسلام آباد میں موسم خشک رہے گا جبکہ شام اور رات کو گرد آلود ہوائیں چلنے کا امکان ہے۔ اس کے علاوہ بلوچستان کے بیشتر اضلاع میں موسم گرم اور خشک جبکہ کوئٹہ، ژوب اور سبی میں تیز ہواؤں، آندھی اور گرج چمک کے ساتھ بارش کا امکان ہے۔
اسی طرح فیصل آباد، ٹوبہ ٹیک سنگھ، ملتان، بھکر، لیہ، میانوالی، سرگودھا، ڈی جی خان اور بہاولپور میں بھی گرج چمک کے ساتھ ہلکی بارش ہو سکتی ہے۔
سکھر، جیکب آباد اور لاڑکانہ میں تیز اور گرد آلود ہوائیں چلنے کرم ایجنسی، کوہاٹ، بنوں، ڈی آئی خان، وزیرستان میں آندھی اور گرج چمک کے ساتھ بارش کا امکان ہے جبکہ کشمیر، گلگت اور بلتستان میں مطلع جزوی ابر آلود رہے گا۔
