تازہ ترین
  • بریکنگ :- اقلیتی برادری کےحقوق کےتحفظ کےلیےاقدامات اٹھانےچاہئیں،بلاول بھٹو
  • بریکنگ :- اقلیتی برادری کے حقوق کیلئے سب کو مل کر کام کرنا ہوگا،بلاول بھٹو
  • بریکنگ :- تمام پاکستانیوں کو یکساں حقوق دینے پر یقین رکھتے ہیں،بلاول بھٹو
  • بریکنگ :- سندھ حکومت میں غیر مسلم کی بھی نمائندگی ہے،وزیرخارجہ
  • بریکنگ :- تقاریرنہیں،عملی اقدامات سےبہتری کی جانب بڑھ سکتےہیں،بلاول بھٹو
  • بریکنگ :- اقلیتی برادری کو کوٹہ کے حقوق ملنےچاہئیں،وزیرخارجہ بلاول بھٹو

وزیراعظم کے زیر صدارت اجلاس، راولپنڈی نالہ لئی منصوبہ پر بریفنگ

Published On 04 November,2020 11:05 pm

اسلام آباد: (دنیا نیوز) وزیراعظم عمران خان کو بریفنگ میں بتایا گیا ہے کہ راولپنڈی کے نالہ لئی منصوبہ سے سیلاب سے ہونے والے نقصان کو روکنے میں مدد ملے گی۔

تفصیل کے مطابق وزیراعظم عمران خان کے زیر صدارت نالہ لئی کے توسیعی منصوبے کا جائزہ اجلاس ہوا جس میں ایکسپریس وے، رنگ روڈ اور صنعتی زون منصوبوں پر تفصیلی بریفنگ دی گئی۔

اجلاس کو بریفنگ میں بتایا گیا کہ نالہ لئی ایکسپریس وے منصوبہ بڑے پیمانے پر شہری آبادی سے متعلقہ مسائل کو حل اور عام شہریوں کو ریلیف فراہم کرے گا۔

منصوبے سے مستقبل میں نالہ لئی میں سیلابی صورتحال کی روک تھام میں مدد ملے گی۔ منصوبے پر تقریباً 79 ارب روپے کی لاگت کا تخمینہ لگایا گیا ہے۔

اجلاس سے خطاب کرتے ہوئے وزیراعظم عمران خان نے کہا کہ یہ منصوبہ راولپنڈی کیلئے نہایت اہمیت کا حامل ہے۔ ہر سال آنے والے سیلاب سے ہونے والے نقصانات کی روک تھام ممکن ہو گی۔

وزیراعظم نے ہدایت کی کہ تمام شراکت داروں سے مشاورت کے بعد حتمی تجاویز مرتب کرکے منظوری کے لیے پیش کی جائیں۔