لاہور: (دنیا نیوز) مریم نواز شریف نے کہا ہے کہ الیکشن کمیشن کے فیصلے کو چیلنج کرنا ثابت کرتا ہے کہ این اے 75 کے ضمنی الیکشن میں چوری کی گئی۔
حکومت کی جانب سے الیکشن کمیشن کے فیصلے کو چیلنج کرنے پر مسلم لیگ (ن) کی نائب صدر مریم نواز نے اپنے ٹویٹ میں کہا کہ ووٹ چوری میں ملوث افسران کو بچانا ثابت کرتا ہے کہ چوری تمارے کہنے پر کی گئی۔
الیکشن کمیشن کے فیصلے کو چیلنج کرنا ثابت کرتا ہے کہ تم نے چوری کی ہے۔
— Maryam Nawaz Sharif (@MaryamNSharif) February 26, 2021
ووٹ چوری میں ملوث افسران کو بچانا ثابت کرتا ہے ہے کہ چوری تمہارے کہنے پر کی گئی۔
دوبارہ الیکشن سے فرار ثابت کرتا ہے کہ تم جانتے ہو عوام تمہاری ضمانتیں ضبط کرائے گی! انشاءاللّہ!
اللّہ کی لاٹھی بے آواز ہے!
انہوں نے حکومت کو سخت تنقید کا نشانہ بناتے ہوئے کہا کہ دوبارہ الیکشن سے فرار ثابت کرتا ہے کہ تم جانتے ہو، عوام تماری ضمانتیں ضبط کرائے گی۔
مریم نواز نے اپنی ٹویٹ میں لکھا کہ جسٹس وجیہہ الدین نے پی ٹی آئی الیکشن کا پول کھولا تو انھیں پارٹی سے نکال دیا گیا۔ الیکشن کمیشن نے چوری پکڑی تو اپیلیں کی جا رہی ہیں۔
جسٹس وجیہ الدین نے PTI الیکشن کا پول کھولا تو اسے پارٹی سے نکال دیا۔اب الیکشن کمیشن نے چوری پکڑی تو اپیلیں کر رہے ہو؟عوام تمہارے ساتھ ہے تو میدان سے بھاگتےکیوں ہو؟
— Maryam Nawaz Sharif (@MaryamNSharif) February 26, 2021
دھاندلی کرنے والے اہلکاروں کوتحفظ دینے کو اس لیے بے چین ہو کہ وہ کٹہرے میں اگر تمہارا نام لیں گے؟ تمھارا کھیل ختم!
ان کا حکومت کو مخاطب کرتے ہوئے کہنا تھا کہ عوام تمارے ساتھ ہے تو میدان سے بھاگتے کیوں ہو؟ دھاندلی کرنے والے اہلکاروں کو تحفظ دینے کو اس لیے بے چین ہو کہ وہ کٹہرے میں آکر تمہارا نام لیں گے، تمہارا کھیل ختم۔
