تازہ ترین
  • بریکنگ :- کوروناایس اوپیزپرعمل کرائیں گے،وزیراعظم عمران خان
  • بریکنگ :- کوروناسےبچےتوعالمی سطح پرمہنگائی ہوئی،وزیراعظم
  • بریکنگ :- ہم نے تمام کرائسزکامقابلہ کیا،وزیراعظم عمران خان
  • بریکنگ :- ہم نے 8ہزارارب ٹیکس اکٹھاکرنےکااعلان کیاتومذاق اڑایاگیا،وزیراعظم
  • بریکنگ :- اس وقت 6ہزارارب ٹیکس اکٹھا کرچکےہیں،وزیراعظم
  • بریکنگ :- 8ہزارارب روپےکےٹیکس ہدف سےآگےنکلیں گے،وزیراعظم
  • بریکنگ :- یہ نہیں ہوسکتا22 کروڑمیں سے 20لاکھ لوگ ٹیکس دیں،وزیراعظم
  • بریکنگ :- سب کوٹیکس دینا ہوگا،وزیراعظم عمران خان
  • بریکنگ :- گندم،چینی،مکئی اورچاول کی ریکارڈ پیداوارہوئی،وزیراعظم
  • بریکنگ :- عالمی سطح پرمہنگائی ہوئی ہے،وزیراعظم عمران خان
  • بریکنگ :- ملکی تاریخ میں موٹرسائیکل،گاڑیوں اورموبائل کی ریکارڈفروخت ہوئی،وزیراعظم
  • بریکنگ :- مشکلات ہیں، آنےوالےدنوں میں بہتری آئے گی،وزیراعظم

یوسف رضا گیلانی کو چیئر مین سینیٹ منتخب کرائیں گے: بلاول بھٹو زرداری

Published On 03 March,2021 08:02 pm

اسلام آباد: (دنیا نیوز) پاکستان پیپلز پارٹی (پی پی پی) کے چیئر مین بلاول بھٹو زرداری نے کہا ہے کہ عمران خان کو اپنی اسمبلی سے شکست دلوانا تاریخی کامیابی ہے۔ یوسف رضا گیلانی کو چیئر مین سینیٹ منتخب کرائیں گے۔

قومی اسمبلی میں پاکستان ڈیمو کریٹک موومنٹ (پی ڈی ایم) کے امیدوار سیّد یوسف رضا گیلانی کی فتح کے بعد نیوز کانفرنس کرتے ہوئے پاکستان پیپلز پارٹی کے چیئر مین کا کہنا تھا کہ سب سے ضروری بات ہم جیت چکے ہیں، سینیٹ الیکشن کامیابی پورے پاکستان کی کامیابی ہے، آج پارلیمان کے وقار میں اضافہ ہوا ہے، عمران خان کو اپنی اسمبلی سے شکست دلوانا تاریخی کامیابی ہے، تمام پی ڈی جماعتوں کا شکر گزار ہوں۔آج جمہوریت کی آواز بلند ہوئی ہے۔

 انہوں نے کہا کہ تین دفعہ گنتی کرائی گئیں، عمران خان سپورٹس مین سپرٹ کا مظاہرہ کرتے ہوئے شکست تسلیم کر لیں۔ ہم نے ضمنی اور سینیٹ الیکشن میں حکومت کو شکست دی ہے، کٹھ پتلی حکومت کے خلاف جنگ جاری رہے گی، ظالم حکومت کو جلد گھر بھیجیں گے۔ اگر ان میں شرم ہوتی تو مستعفی ہو جاتے، شہباز شریف اور فضل الرحمان کے پاس جاؤں گا۔

بلاول بھٹو زرداری نے کہا کہ پاکستان ڈیمو کریٹک موومنٹ (پی ڈی ایم) کے فاتح امیدوار یوسف رضا گیلانی کو چیئر مین سینیٹ منتخب کرائیں گے۔ یہ ایک قسم کا پی ٹی آئی ایم ایف پروگرام پرعدم اعتماد ہے۔

پی پی چیئر مین کا کہنا تھا کہ پی ڈی ایم میں تمام فیصلے مشاورت سے ہوتے ہیں، پی ڈی ایم کا مستقبل روشن ہے، از خود کوئی اعلان نہیں کروں گا پی ڈی ایم میں فیصلہ ہو گا، پی ڈی می اور جمہوریت کا مستقبل روشن ہے۔ پاکستان کے جمہوری سفر کا ایک نیا دور شروع ہونے جارہا ہے، ناکامی پر وزیراعظم عمران خان کو استعفیٰ دے دینا چاہیے، جمہوریت بہترین انتقام ہے، حکومت ہار چکی ہے اور پاکستان کے عوام جیت چکے ہیں۔

ان کا کہنا تھا کہ ہم نے کہا تھا کہ سینیٹ الیکشن کے بعد لانگ مارچ یا عدم اعتماد بھی ہو گا، وقت کا تعین کریں گے کہ عدم اعتماد اور لانگ مارچ کب کرنا ہے۔

اس موقع پر سابق وزیراعظم یوسف رضا گیلانی کا کہنا تھا کہ سب کی نگاہیں اسلام کی سیٹ پر تھیں، کامیابی پر سب کو مبارکباد پیش کرتا ہوں، آج کی کامیابی سے جمہوریت کی فتح ہوئی ہے، پی ڈی ایم جماعتوں کا شکر گزار ہوں۔ پی ڈی ایم کے لیے اسلام آباد کی جنرل نشست بہت اہم تھی۔