تازہ ترین
  • بریکنگ :- کراچی:پولیس کی کارروائی،3خواتین سمیت 4منشیات فروش گرفتار
  • بریکنگ :- کراچی:گرفتارملزموں سے 29کلومنشیات برآمد،ایس ایس پی کیماڑی
  • بریکنگ :- کراچی:گاڑی بھی تحویل میں لےلی گئی،مقدمہ درج،ایس ایس پی فداحسین
  • بریکنگ :- ملزم منشیات بلوچستان سےکراچی لارہےتھے،ایس ایس پی فداحسین

چھتری بردار کو ساتھ کر لیکر روسی ہم منصب کا استقبال، شاہ محمود شدید تنقید کی زد میں آ گئے

Published On 06 April,2021 10:38 pm

اسلام آباد: (دنیا نیوز) وفاقی وزیر خارجہ شاہ محمود چھتری بردار کو ساتھ لے کر روسی ہم منصب کے استقبال کے لیے پہنچ گئے، سوشل میڈیا پر وڈیرہ شاہی انداز کے باعث شدید تنقید کی زد میں آگئے۔

تفصیلات کے مطابق ملک کی نمائندگی کے لیے ہر دم تیار لیکن اپنی چھتری خود اٹھانے میں عار، روسی ہم منصب کے استقبال کے لیے وزیر خارجہ شاہ محمود قریشی ائیرپورٹ پہنچے تو چھتری بردار خدمتگار بھی ہمراہ تھا، روسی ہم منصب جہاز سے اترے تو اپنی چھتری خود تھام رکھی تھی۔

وزیر خارجہ کا وڈیرہ شاہی انداز عوام کو ایک آنکھ نہ بھایا، سوشل میڈیا پر شاہ محمود قریشی کو شدید تنقید کا نشانہ بنایا گیا۔

سوشل میڈیا صارفین کا کہنا ہے کہ روس جیسی سپر پاور کا وزیر خارجہ اپنی چھتری خود اٹھا سکتا ہے تو پاکستانی وزیر خارجہ کیوں نہیں۔