تازہ ترین
  • بریکنگ :- چیئرمین صادق سنجرانی کی صدارت میں سینیٹ اجلاس
  • بریکنگ :- حکومت کوسینیٹ اجلاس کےدوران مشکل کا سامنا
  • بریکنگ :- اسٹیٹ بینک ایکٹ ترمیمی بل میں حکومتی ارکان کی تعداد کم
  • بریکنگ :- حکومت بل پیش کرنےکیلئےمزیدوقت کی متلاشی
  • بریکنگ :- بل ایجنڈےمیں شامل،حکومت پیش نہیں کررہی،چیئرمین سینیٹ
  • بریکنگ :- بل پیش کرنےکی جلدی تھی ،اب کوئی بات نہیں کررہا،صادق سنجرانی
  • بریکنگ :- اپوزیشن ارکان کابل پیش کرنےکےحق میں شورشرابہ
  • بریکنگ :- اپوزیشن ارکان کا نشستوں پرکھڑے ہوکراحتجاج
  • بریکنگ :- صدرمملکت کی مشترکہ اجلاس سےتقریرپرکوئی بات کرے گا؟چیئرمین سینیٹ
  • بریکنگ :- چیئرمین سینیٹ کےسوال پراپوزیشن کے"نو،نو"کےنعرے
  • بریکنگ :- چیئرمین سینیٹ نےاجلاس آدھےگھنٹےکیلئےملتوی کردیا

پی ڈی ایم چھوڑنےوالےغلطی تسلیم کرکےفیصلے پرنظرثانی کریں:مولانا فضل الرحمان

Published On 26 April,2021 08:21 pm

اسلام آباد: (دنیا نیوز) جمعیت علمائے اسلام (ف) کے سربراہ مولانا فضل الرحمان نے کہا ہے کہ حکومت کا خاتمہ ہی قوم کی نجات کا ذریعہ ہے، پی ڈی ایم چھوڑنے والے غلطی تسلیم کر کے فیصلے پر نظر ثانی کریں۔

میڈٰیا سے گفتگو میں ان کا کہنا تھا کہ رمضان کے بعد پی ڈی ایم کا سربراہی اجلاس بلایا جائے گا جس میں معاشی بہتری کیلئے فارمولا دیں گے۔ ملک میں لاکھوں افراد بے روزگار ہو رہے ہیں۔ کچھ ساتھیوں نے غلط انداز میں پی ڈی ایم چھوڑنے کی بات کی۔

مولانا فضل الرحمان نے کہا کہ اپوزیشن اتحاد پی ڈی ایم اپنی پوری قوت کے ساتھ موجود ہے، رمضان کے بعد میدان میں ہونگے۔

یہ بھی پڑھیں: پی ڈی ایم سے لاتعلقی، پیپلزپارٹی نے استعفے فضل الرحمان کی رہائشگاہ پر پہنچا دیئے

واضح رہے کہ پی ڈی ایم نے سینیٹ میں اپوزیشن لیڈر کے انتخاب کے دوران بلوچستان عوامی پارٹی سے ووٹ لینے پر پیپلز پارٹی کو شوکاز نوٹس جاری کیا تھا۔ پیپلز پارٹی نے نوٹس کے ردعمل میں پی ڈی ایم سے علیحدگی اختیار کر لی تھی۔

اپوزیشن اتحاد کی اہم جماعت (ن) لیگ کے رہنما شاہد خاقان عباسی نے پیپلز پارٹی کے پی ڈی ایم سے علیحدگی کے اعلان سے متعلق کہا تھا کہ جو جماعت اتحاد کا اعتماد کھو بیٹھے، میری نظر میں اس کیلئے کوئی گنجائش نہیں، جو جماعت اتحاد میں نہیں رہنا چاہتی تو پھر ان کا اپنا راستہ ہے اور ہمارا اپنا راستہ ہے، ہمارا مقصد نظام کی تبدیلی ہے۔

یہ بھی پڑھیں: پی ڈی ایم توڑنے کی بنیاد (ن) لیگ کے سینئر نائب صدر نے رکھی، پیپلز پارٹی

بعد ازاں پیپلز پارٹی کے رہنما سید نیئر بخاری نے بڑا الزام عائد کرتے ہوئے کہا تھا کہ اپوزیشن اتحاد پی ڈی ایم توڑنے کی بنیاد مسلم لیگ (ن) کے سینئر نائب صدر نے رکھی، نوٹس دینے والوں نے خود اصول توڑے۔

نیئر بخاری کا کہنا تھا کہ پی ڈی ایم کے چارٹر پر پیپلز پارٹی تو کاربند ہے لیکن شاید شوکاز دینے والے نہیں، نااہل حکمرانوں کے خلاف ہر اتحاد بنانے کو تیار ہیں۔

اس موقع پر گفتگو کرتے ہوئے عوامی نیشنل پارٹی کے رہنما میاں افتخار حسین کا کہنا تھا کہ پی ڈی ایم کو توڑا گیا، اے این پی علیحدہ نہیں ہوئی تھی، نجانے انہیں کس بات کی جلدی تھی۔