تازہ ترین
  • بریکنگ :- اسلام آباد:شیریں مزاری گرفتاری کیس،سماعت 25مئی تک ملتوی
  • بریکنگ :- اسلام آبادہائیکورٹ کامعاملےکی جوڈیشل انکوائری کاحکم
  • بریکنگ :- عدالت کاوفاقی حکومت کوٹی اوآرزبناکرعدالت میں پیش کرنےکاحکم
  • بریکنگ :- آئی جی اسلام آبادشیریں مزاری کوسیکیورٹی فراہم کریں،عدالت
  • بریکنگ :- اسلام آبادہائیکورٹ کےحکم پرشیریں مزاری کورہا کردیاگیا
  • بریکنگ :- شیریں مزاری کاموبائل فون ودیگرچیزیں انہیں واپس کردی گئیں

آرمی چیف سے کمانڈر آذربائیجان بحریہ کی ملاقات، سیکیورٹی سمیت اہم امور پر تبادلہ خیال

Published On 08 June,2021 11:44 pm

راولپنڈی: (دنیا نیوز) آرمی چیف جنرل قمر جاوید باجوہ سے آذربائیجان کی بحریہ کے کمانڈر نے ملاقات کی، اس دوران دونوں رہنماؤں نے باہمی دلچسپی کے امور، دفاع، تربیت اور سیکیورٹی میں تعاون پر تبادلہ خیال کیا۔

 

آئی ایس پی آر کے مطابق دونوں رہنماؤں کے درمیان ملاقات میں علاقائی سیکیورٹی صورتحال پر بھی غور کیا گیا۔

آرمی چیف نے دفاع اور ترقی سے متعلق شعبوں میں آذربائیجان کی بحریہ کے کمانڈر کو تعاون کی پیشکش بھی کی۔ ان کا کہنا تھا کہ پاکستان آذربائیجان کے ساتھ برادرانہ تعلقات کو اہمیت دیتا ہے

آرمی چیف نے آذربائیجان کی مسلح افواج کی پیشہ ورانہ صلاحیتوں کو سراہا۔ ملاقات میں سفارتی اور سیکیورٹی تعاون کے فروغ کیلئے مل کر کام کرنے پر اتفاق کیا۔

پاک فوج کے شعبہ تعلقات عامہ کے مطابق آذربائیجان کی بحریہ کے کمانڈر نے پاکستان کی حمایت پر شکریہ ادا کیا جبکہ افغانستان سمیت خطے میں امن کیلئے بھی اس کی کوششوں کو سراہا۔