'امید ہے ای ووٹنگ مشین سے ایسے انتخابی نتائج ملیں گے جن پر کسی کو اعتراض نہ ہو'

اسلام آباد: (دنیا نیوز) وزیراعظم عمران خان نے وزارت سائنس و ٹیکنالوجی کی بنائی ای ووٹنگ مشین کا معائنہ کیا۔ کہا امید ہے ہمیں آئندہ ایسے انتخابی نتائج ملیں گے جن پر کسی کو اعتراض نہ ہو۔ نوجوانوں کو پیغام دینے کے لیے ویڈیو بھی ٹویٹ کر دی، وزیراعظم نے کورونا صورتحال پر کہا کورونا کے خلاف پاکستان کی حکمت عملی کو دنیا نے سراہا۔

وزیراعظم عمران خان نے اپنے ٹویٹ میں کہا کہ وزارت سائنس اینڈ ٹیکنالوجی کی بنائی پاکستانی ساختہ الیکٹرانک ووٹنگ مشینوں کا معائنہ کیا، ایسا لگتا ہے کہ آخر کار ہم پاکستان میں ایسے انتخابات کروا سکیں گے جہاں تمام امیدواروں کو نتائج کو قبول ہوں گے۔ وزیراعظم نےشبلی فراز اور ان کی ٹیم کو مبارکبادپیش کی۔

ہماری وزارت سائنس اینڈ ٹیکنالوجی کیجانب سےپاکستان میں تیارکردہ الیکٹرانک ووٹنگ مشینزکامعائنہ کرتےہوئے۔بالآخریہ دکھائی دینے لگاہےکہ پاکستان میں ہمیں ایسےانتخابات میسر آئیں گےجن میں حصہ لینےوالےتمام امیدوار نتائج تسلیم کرینگے۔ شبلی فراز اور انکی ٹیم کو مبارک۔pic.twitter.com/9UySGvhiU0

— Imran Khan (@ImranKhanPTI) August 8, 2021

وزیراعظم عمران خان نے اولمپک دوڑ کی ویڈیو بھی ٹویٹ کردی۔ ویڈیو میں ریس کی ابتدا میں گرنے والی خاتون ایتھلیٹ کو ریس جیتے دیکھا جا سکتا ہے۔وزیراعظم نے نوجوانوں سے اپنے پیغام میں کہا میں چاہتا ہوں کہ پاکستان کے نوجوان ریس دیکھیں اور سبق سیکھیں،اس ویڈیو میں وہ سبق ہے جو کھیلوں نے مجھے سکھایا، آپ تب ہارتے ہیں جب آپ ہار مانتے ہیں۔

میں چاہتا ہوں کہ ہمارے پاکستانی نوجوان یہ دوڑ دیکھیں اور اس میں سے وہ اہم ترین سبق حاصل کریں جو کھیل نے مجھے سکھایا ہے کہ: "آپ ہارتے تبھی ہیں جب آپ کوشش ترک کردیتے ہیں"۔
pic.twitter.com/a7UnCvnwSR

— Imran Khan (@ImranKhanPTI) August 8, 2021

وزیراعظم عمران خان نے کہا کہ کورونا کے خلاف پاکستان کی حکمت عملی کو دنیا نے سراہا ہے۔ اللہ پاک کی رحمت کے باعث کورونا کی شدت کے باوجود پاکستانی محفوظ رہے۔ کورونا کے خلاف حکمت عملی بنانے پر این سی او سی کو خراج تحسین پیش کرتا ہوں۔

وباء سےنمٹنےکےحوالےسےہماری حکمت عملی کی دنیا تعریف کررہی ہے اور اللہ کریم کےفضل و احسان سے اس نےپاکستان کو کروناء کےمہلک ترین اثرات سے بچایاہے۔ میں NCOC کی ٹیم کو خراج تحسین پیش کرتا ہوں جو پورےانہماک و یکسوئی سےکئےگئےاپنےکام کی بدولت وباء کے خلاف ہماری حکمت عملی کی اساس بنی رہی۔

— Imran Khan (@ImranKhanPTI) August 8, 2021