تازہ ترین
  • بریکنگ :- جہلم:قوم شہداکےوالدین کےساتھ کھڑی ہے،فوادچودھری
  • بریکنگ :- کسی بھی قسم کےتشددکی اجازت نہیں دی جائیگی،فوادچودھری

پاکستان کی افغانستان کیلئے 5 ارب روپے کی ہنگامی امدادی پیکیج کی منظوری

Published On 22 November,2021 06:05 pm

اسلام آباد: (دنیا نیوز) پاکستان نے انسانی ہمدردی اور ہنگامی صورتحال سے نمٹنے کیلئے افغانستان کے لیے 5 ارب روپے کی امدادی پیکیج کی منظوری دیدی۔

وزیر اعظم عمران خان کی زیر صدارت افغانستان کے لئے قائم ایپکس کمیٹی کا اجلاس ہوا، اجلاس کے دوران وفاقی وزیر خارجہ شاہ محمود قریشی، مشیر برائے خزانہ شوکت ترین، آرمی چیف جنرل قمر جاوید باجوہ، وزیراعظم عمران خان کے مشیر برائے قومی سلامتی معید یوسف اور اعلیٰ حکام نے شرکت کی۔

مشیر برائے قومی سلامتی نے ایپکس کمیٹی کو افغانستان کی صورتحال پر تفصیلی بریفنگ دی گئی۔

پاکستان نے انسانی ہمدردی اور ہنگامی صورتحال سے نمٹننے کے لیے افغانستان کے لیے 5 ارب روپے کی امدادی پیکیج کی منظوری دیدی۔

امدادی اشیاء میں 50ہزار میٹرک ٹن گندم، ادویات و میڈیکل سامان اور سردیوں کے لیے سامان شامل ہے۔ افغانستان سے پاکستان اہم درآمدات پر سیل ٹیکس میں کمی کی اصولی منظوری دی گئی۔

اس موقع پر وزیراعظم کا کہنا تھا کہ پاکستان کی سرحدوں سے داخل ہونے والے تمام افغانی باشندوں کے لیے مفت کووڈ 19 ویکسی نیشن جاری رہے گی۔