نارووال: (دنیا نیوز) پاکستان کی طرف سے جذبہ خیر سگالی کے تحت دنیا بھر میں بسنے والے سکھوں کے مذہبی مقام کرتار پور پاک و ہند کی تقسیم سے قبل بچھڑنے والے خاندان کو ملانے لگا۔
73 سالوں بعد آج ایک اور کرتارپور میں بچھڑا ہوا قبیلہ مل گیا، مٹھو قبیلہ تقسیم پاک و ہند سے قبل بچھڑ گیا تھا۔ دونوں خاندان کرتارپور میں آپس میں مل کر رو پڑے۔ کرتارپور میں خوشی کے لمحات آنکھوں سے آنسوؤں کی لڑیاں جھلک نے لگیں۔
دونوں خاندانوں کے کرتارپور میں جذباتی مناظر دیکھنے کو ملے۔ کرتارپور میں جذباتی مناظر دیکھ کر وزٹرز بھی آبدیدہ ہو گئے۔
یہ بھی پڑھیں: تقسیم کے وقت بچھڑے دوستوں کی کرتار پور میں 74 سال بعد ملاقات
شاہد مٹھو نے دو سال قبل پنجابی نیوز چینل کو انٹرویو دیا تھا کہ اس کا بھائی گم ہو گیا تھا۔ دو ماہ قبل دونوں بھائی پاکستان اور بھارت میں وفات پا گئے تھے۔ امن کی راہداری نے بچھڑے ہو خاندان کو ملا دیا ہے۔
بچھڑے خاندانوں کے ملنے پر کرتارپور انتظامیہ نے خوشی کے موقع پر مٹھائی تقسیم کی۔ بچھڑے ہوئے خاندان نے کرتارپور گردوارہ کے مختلف حصوں کا وزٹ کیا۔ مٹھو قبیلہ نے کرتارپور میں بابا گورونانک کے لنگر ہال میں لنگر کیا ۔
