مظفرآباد: (دنیا نیوز) صدر آزاد کشمیر نے کل (بروز پیر) صبح دس بجے قانون ساز اسمبلی کا اجلاس طلب کرلیا ہے، قائد ایوان کا انتخاب ایجنڈے میں شامل ہے۔
نئے قائد ایوان کی دوڑ میں تحریک انصاف کے سردار تنویر الیاس اُمیدوار ہیں جبکہ مسلم لیگ ن اور پیپلز پارٹی نے چودھری یاسین کے نام پر اتفاق کیا ہے۔ آزاد کشمیر قانون ساز اسمبلی میں تحریک انصاف کے دو اتحادی جماعتوں کے ممبران سمیت چونتیس اراکین ہیں۔
دوسری جانب اپوزیشن کے پاس اُنیس ووٹ ہیں، جیت کے لئے امیدوار کو کم از کم ستائیس ووٹ درکار ہوں گے۔
