سرینگر:(دنیا نیوز) مقبوضہ جموں و کشمیر میں بھارتی فوج کی ریاستی دہشت گردی میں 4 کشمیری نوجوان شہید ہو گئے۔
کشمیر میڈیا سروس کے مطابق مقبوضہ کشمیر میں بھارتی فوج نے مقدس ماہ رمضان المبارک میں بھی ریاستی دہشت گردی کا بازار گرم کر رکھا ہے، جنت نظیر وادی کے ضلع شوپیاں کے شہر بڈگام میں قابض بھارتی فوج نے سرچ آپریشن کے دوران گھر پر اندھا دھند فائرنگ سے 4 کشمیری نوجوان شہید ہوگئے۔
میڈیا رپورٹس کے مطابق گھر گھر تلاشی کے دوران خواتین کی بے عزتی کی گئی اور بزرگوں کو بھی تشدد کا نشانہ بنایا گیا۔
