لاہور: (دنیا نیوز) حریت رہنما یاسین ملک کی اہلیہ اور چیئرمین پیس اینڈ کلچر مشعال ملک کا کہنا ہےکہ مودی کشمیریوں کا قاتل ہے، مودی کے دورہ مقبوضہ کشمیر پر آج کشمیری یوم سیاہ منا رہے ہیں، انھوں نے اس عزم کا اعادہ کیا کہ آزادی کشمیر کے لیے جدوجہد جاری رہے گی۔
بھارتی وزیراعظم نریدر مودی کے دورہ سرینگر کے موقع پر چیرمین پیس اینڈ کلچر مشعال ملک نے اپنے پیغام میں کہا کہ مودی کے دورہ پر آج ہم کشمیری احتجاجا یوم سیاہ منا رہے ہیں۔ مشعال ملک نے کہا کہ مودی کشمیریوں کا قاتل ہے، مودی کے دورے موقع پر ہزاروں آرمی اہلکار اور سنائپ شوٹر تعینات کیے گئے ہیں۔
انہوں نے کہا کہ مقبوضہ کشمیر میں جیل کا سماں ہے لیکن بھارتی مظالم کے باوجود ہم اپنی جدوجہد جاری رکھے ہوئے ہیں۔ مشعال ملک نے کہا کہ سرینگر میں شارپ شوٹر، پولیس اور سی سی ٹی وی کیمرے لگائے گئے ہیں جبکہ کشمیریوں کی گرفتاریاں بھی کی جارہی ہیں۔
چیئرمین پیس اینڈ کلچر کا مزید کہنا تھا کہ آرٹیکل 73 کا خاتمہ کرکے کشمیریوں سے انکا حق چھینا گیا ، کشمیری مودی قاتل کو اپنی سرزمین پر برداشت نہیں کریں گے۔ مشعال ملک کا کہنا تھا کہ دنیا کو بھارتی مظالم کا نوٹس لینا چاہیے اور اقوام عالم کو کشمیریوں کی آواز سننی چاہیے۔
