سعودی شاہ و دیگر کی مبارکباد، برج خلیفہ پاکستانی پرچم کے رنگوں میں رنگ گیا

لاہور: (دنیا نیوز) سعودی شاہ محمد بن سلمان، برطانوی اور یوگنڈا کی وزیراعظم کی یوم آزادی پر مبارکباد دی جبکہ دنیا کی بلند ترین عمارت برج خلیفہ کو پاکستان کے پرچم کے رنگوں میں رنگ دیا گیا۔

برج خلیفہ کی انتظامیہ بھی پاکستان کے یوم آزادی کے جشن میں شریک ہوئی اور سماجی رابطے کی ویب سائٹ ٹوئٹر پر برج خلیفہ کے ٹوئٹر اکاؤنٹ سے پاکستانیوں کو یوم آزادی کی مباکباد دی۔

نحتفل الليلة في #برج_خليفة بمناسبة يوم استقلال جمهورية باكستان الإسلامية، متمنين للشعب الباكستاني المزيد من التقدّم والسلام#BurjKhalifa
commemorates Pakistan’s Independence Day, wishing the republic peace and prosperity pic.twitter.com/LuljXDD0Hf

— Burj Khalifa (@BurjKhalifa) August 14, 2022

شاہ سلمان اور ولی عہد محمد بن سلمان کی یوم آزادی پر مبارکباد

خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان نے پاکستان کے یوم آزادی پر مبارکباد کا پیغام دیا۔

سعودی وزارت خارجہ کے مطابق دونوں رہنماؤں نے صدر پاکستان، عوام اور حکومت کے نام پیغام بھیجا اور پاکستان کی سلامتی اور ترقی کے لئے نیک خواہشات کا اظہار کیا۔

برطانوی وزیراعظم بورس جانسن کی اردو میں پاکستانیوں کو مبارکباد

برطانوی وزیراعظم بورس جانسن نے اردو میں ٹوئٹ کرتے ہوئے لکھا کہ پاکستانیوں کو 75 ویں یوم آزادی پر دلی مبارکباد پیش کرتا ہوں، 75 سال کے دوران ہمارے درمیان قریبی تعلقات استوار ہوئے ہیں، 16 لاکھ پاکستانی برطانیہ کو اپنا گھر سمجھتے ہیں، مستقبل میں دوطرفہ تعلقات کے مزید استحکام کا منتظر ہوں۔

پاکستانیوں کو پچھترویں یومِ آزادی پر دلی مبارکباد!
ہمارے لوگوں نے 75 سالوں کے دوران قریبی تعلقات استوار کیے ہیں۔ پاکستانی پس منظر کے حامل 16 لاکھ افراد برطانیہ کو اپنا گھر کہتے ہیں۔ میں، آنے والے سالوں میں ہمارے دو طرفہ تعلقات کو مزید مستحکم دیکھنے کا منتظر ہوں!

— Boris Johnson (@BorisJohnson) August 14, 2022

یوگنڈا کی وزیراعظم کی یوم پاکستان پر مبارکباد

یوگنڈا کی ڈپٹی وزیراعظم ناکاڈامہ رُکیہ نے بھی یوم پاکستان پر پیغام میں پاکستانی قوم اور حکومت کو 75 ویں یوم آزادی پر مبارکباد دی اور گورنمنٹ آف یوگنڈا کی جانب سے نیک خواہشات کا اظہار کیا۔

 ہائی کمیشن آف پاکستان لندن میں تقریب، میئر صادق خان کو ستارہ پاکستان سے نوازا گیا

 75ویں یوم آزادی پر ہائی کمیشن آف پاکستان لندن میں تقریب کا انعقاد کیا گیا، میئر آف لندن صادق خان کو ستارہ پاکستان کے اعزاز سے نوازا گیا۔

ہائی کمیشن آف پاکستان لندن میں تقریب کے دوران ایوارڈ وصول کرنے کے بعد صادق خان نے دنیا نیوز سے خصوصی گفتگو کرتے ہوئے کہا کہ میری والدہ یہاں ہیں، وہ فخر محسوس کرتی ہیں، ہم جسمانی طور پر پاکستان میں نہ بھی ہوں تو پاکستان ہمارے دل کے قریب ہے، پاکستان کو درپیش چیلنجز سے ہم بھی پریشان رہتے ہیں۔

لندن کے میئر نے مزید کہا کہ پاکستان اور برطانیہ کے درمیان پل کا کردار ادا کرنے پر فخر ہے، لندن اور پاکستان کے درمیان ثقافتی اور تجارتی روابط بہت اہم ہیں۔