لاہور: (ویب ڈیسک) پاکستان تحریک انصاف (پی ٹی آئی) کے رہنما ڈاکٹر شہباز گل کی اسلام آباد پولیس کے حوالے ہونے اور ہسپتال منتقل کیے جانے کے بعد سابق وزیراعظم عمران خان کا رد عمل آ گیا۔
سماجی رابطے کی ویب سائٹ ٹویٹر پر انہوں نے لکھا کہ پاکستان بنانا ری پبلک بنتا جا رہا ہے، مہذب دنیا ہماری بربریت کے سامنے حیران رہ جائے گی۔ سب سے بری بات یہ ہے تشدد کے ذریعے اور منصفانہ ٹرائل کے بغیر مثال بنانے کے لیے ایک آسان ہدف کو منتخب کیا گیا۔
انہوں نے مزید لکھا کہ سابق وزیراعظم نواز شریف، ن لیگ کی نائب صدر مریم نواز، امیر جمعیت علمائے اسلام (ف) مولانا فضل الرحمان، سابق صدر آصف زرداری نے ریاستی اداروں پر ٹارگٹڈ بیانات کے ذریعے حملے کیے۔ ان کی سرزنش کیے بغیر انہیں کچھ نہیں کہا گیا۔
Meanwhile the likes of NS, Maryam, MFR, AZ, all of whom have in the worst possible way & repeatedly attacked State institutions through malicious & targeted statements against them, get away without even a hint of a reprimand.
— Imran Khan (@ImranKhanPTI) August 17, 2022
شہباز گل کو اغوا، تشدد کیا گیا، یہ میرے خلاف سازش کا حصہ ہے: عمران خان
تحریک انصاف کے چیئرمین اور سابق وزیراعظم عمران خان نے پارٹی رہنما شہباز گل کو دوبارہ جسمانی ریمانڈ پر پولیس کے حوالے کرنے پر رد عمل دیتے ہوئے کہا ہے کہ یہ مجھے ٹارگٹ کرنے کی سازش کا حصہ ہے اس میں ان سے زبردستی جھوٹا بیان لیا جائے گا۔
سابق وزیراعظم نے سماجی رابطے کی ویب سائٹ ٹویٹر پر لکھا کہ شہباز گل کو جسمانی ریمانڈ پر دوبارہ پولیس کے حوالے کرنے پر انہیں تشویش ہے۔
to target me & PTI by forcibly getting false statements against us similar to what they have been doing against social media activists.This is absolutely unacceptable. We will take all legal & pol actions to counter not only this torture being inflicted upon Shahbaz Gill
— Imran Khan (@ImranKhanPTI) August 17, 2022
ان کا کہنا تھا اغوا کرکے بعد نامعلوم مقام پر اور پھر پولیس سٹیشن میں ہونے ہونے والے تشدد کے بعد شہباز گل کی ذہنی اور جسمانی صحت ٹھیک نہیں۔ یہ مجھے ٹارگٹ کرنے کی سازش کا حصہ ہے جس میں شہباز گل سے زبردستی جھوٹا بیان لیا جائے گا جس طرح سوشل میڈیا ایکٹوسٹس سے لیا گیا۔ یہ بالکل قابل قبول نہیں۔
عمران خان نے مزید کہا کہ ہم نہ صرف شہباز گل کے خلاف ہونے والے تشدد بلکہ اس طرح کے غیرقانونی اور غیرآئینی کارروائیوں کے خلاف تمام سیاسی اور قانونی اقدامات اٹھائیں گے۔
