راولپنڈی: (دنیا نیوز) سابق وزیر داخلہ و سربراہ عوامی مسلم لیگ شیخ رشید نے کہا ہے کہ سیلابی، سیاسی اور معاشی ریلہ پی ڈی ایم کو بہا لے گیا ہے۔
سربراہ عوامی مسلم لیگ و سابق وزیر داخلہ شیخ رشید نے سماجی رابطے کی ویب سائٹ ٹوئٹر پر ٹوئٹ کرتے ہوئے کہا ہے کہ بلاول لاڑکانہ میں، فضل الرحمان ڈی آئی خان میں موجود ہیں جبکہ عوام میں جانے کی پوزیشن میں نہیں ہیں۔
سیلابی،سیاسی اور معاشی ریلہ PDM کو بہا لے گیا ہے.بلاول لاڑکانہ میں،فضل الرحمان D.I.Khan میں عوام میں جانے کی پوزیشن میں نہیں ہیں۔مفتاح بہانا ہے،اصل نشانہ شہباز شریف سے اپنے نااہلی کے کیسز ختم کرانا ہے۔ملک کا سارا انفراسٹرکچر ٹوٹ گیا ہے اور چاروں صوبوں میں فوج مدد کے لیے آگئی ہے۔
— Sheikh Rashid Ahmed (@ShkhRasheed) August 27, 2022
انہوں نے کہا ہے کہ مفتاح بہانا ہے، اصل نشانہ شہباز شریف سے اپنے نااہلی کے کیسز ختم کرانا ہے، ملک کا سارا انفراسٹرکچر ٹوٹ گیا ہے اور چاروں صوبوں میں فوج مدد کے لیے آگئی ہے۔
شیخ رشید کا کہنا تھا کہ مہنگائی کی شرح 45 فیصد سے بڑھ گئی ہے، پٹرول بھی 20 روپے فی لٹر بڑھنے لگا ہے، غریب آدمی کی زندگی 5 مہینے میں تباہ وبرباد ہوگئی ہے۔
مہنگائی کی شرح45%سے بڑھ گئی،پٹرول بھی20روپے فی لیٹر بڑھنے لگا ہے۔غریب آدمی کی زندگی5مہینے میں تباہ وبرباد ہوگئی ہے۔نواز شریف نے شہباز شریف سےکہا ہے کہ اگلی بات تب ہوگی جب میرے اور مریم کے نااہلی کیس ختم ہوں گے،اپنے سارے کیس سیدھے کر لیے اور ہمارے معاملے میں آپ کو کوئی فکر نہیں۔
— Sheikh Rashid Ahmed (@ShkhRasheed) August 27, 2022
سربراہ عوام مسلم لیگ نے مزید کہا ہے کہ نواز شریف نے شہباز شریف سے کہا ہے اگلی بات تب ہوگی جب میرے اور مریم کے نااہلی کیس ختم ہوں گے، اپنے سارے کیس سیدھے کر لیے اور ہمارے معاملے میں آپ کو کوئی فکر ہی نہیں ہے۔
