اسلام آباد: (ویب ڈیسک) وزیراعظم شہباز شریف نے کہا ہے کہ ترقی یافتہ دنیا ترقی پذیر ممالک کو ماحولیاتی تبدیلی کے رحم و کرم پر نہ چھوڑے۔
سماجی رابطے کی ویب سائٹ ٹویٹر پر انہوں نے لکھا کہ دنیا بھر میں خارج ہونے والی کاربن میں پاکستان کا حصہ صرف ایک فیصد ہے لیکن پاکستان ہمیں ماحولیاتی مسائل کے آٹھ فیصد حصے کا سامنا کرنا پڑ رہا ہے۔
ان کا کہنا تھا کہ میری بین الااقوامی میڈیا کے نمائندوں سے ملاقات ہوئی ہے جس میں انہیں پاکستان میں سیلاب کی تباہ کاری سے آگاہ کیا گیا ہے۔ یہ تباہی اس بات کی عکاسی کرتی ہے کہ ماحولیاتی تبدیلی سے کیا خطرات لاحق ہیں۔
شہباز شریف نے کہا کہ ترقی یافتہ دنیا پاکستان جیسے ممالک کو موسمیاتی تبدیلی کے رحم و کرم پر نہ چھوڑے۔ آج ہم اس کا سامنا کر رہے ہیں کل کوئی اور کر سکتا ہے۔ ماحولیاتی تبدیلی کے خطرات ایک حقیقت ہیں۔
My point was that international community, particularly the developed world, should not leave developing countries like Pakistan at the mercy of climate change. If it is us today, it can be somebody else tomorrow. Threat of climate change is real, potent & staring us in the face.
— Shehbaz Sharif (@CMShehbaz) August 30, 2022
