اسلام آباد: (ویب ڈیسک) پاکستان میں آنے والے بدترین سیلاب کے باعث تباہی کے بعد امریکا نے مزید تین کروڑ ڈالرز امداد کا اعلان کر دیا۔
اسلام آباد میں امریکی سفارتخانے کی طرف سے ٹویٹ کیا گیا کہ امریکا پاکستان کو 3 کروڑ ڈالر سیلاب متاثرین کی مدد کیلئے عطیہ کرے گا،.پاکستان نے حالیہ سیلاب کو قومی ایمرجنسی اور 66 ڈسٹرکٹ کو آفت زدہ قرار دیا ہے۔
ٹویٹ میں مزید بتایا گیا کہ امریکا پاکستان میں ہونیوالے نقصانات پر گہرے دکھ اور افسوس کا اظہار کرتا ہے، مالی مدد سے سیلاب متاثرین کے لیے خوراک سمیت پینے کے صاف پانی کے نظام کو بہتر بنایا جائے گا۔
امریکی سفارتخانے کے مطابق سیلاب متاثرین کے لیے 1.1 ملین ڈالر کی گرانٹ کا پہلے ہی اعلان کر رکھا ہے۔
"The United States is deeply saddened by the devastation caused by flooding throughout Pakistan. Through @USAID, we will provide $30 million more in life-saving humanitarian assistance to those who have lost their loved ones, livelihoods, and homes." -DB #AmbBlome 1/2 pic.twitter.com/OL4r0YgV6Z
— U.S. Embassy Islamabad (@usembislamabad) August 30, 2022
